ସମ୍ବଲପୁର: ରେଳବାଇ କଲୋନି ନିକଟରେ ବଚସାରୁ ଗୁଳିକାଣ୍ଡ; ଜଣେ ଆହତ

ପାଟିତୁଣ୍ଡର କାରଣ ଗଣେଶଙ୍କ ବିଧବା ଝିଆରୀ। ରେଳବାଇରେ ଚାକିରି କରିଥିବା ସ୍ୱାମୀଙ୍କ ଦେହାନ୍ତ ହେବା ପରେ ବିଧବା ଝିଆରୀ ସେ ଚାକିରି କରୁଛନ୍ତି। ମଣ୍ଟୁ ତାଙ୍କୁ ବାହା ହେବାକୁ ମନ ବଳାଇ ବାରମ୍ବାର ହଇରାଣ ହରକତ କରି ଆସୁଥିଲା। କିନ୍ତୁ, ଝିଆରୀ କିମ୍ବା ଗଣେଶ ଏ ବିବାହ ପ୍ରସ୍ତାବକୁ ଟାଳି ଦେଉଥିଲେ।

ଆଜି ମଣ୍ଟୁ ଗଣେଶଙ୍କୁ ବାହାଘର କଥା କହିବାରୁ ସେ ମନା କରିଦେଇଥିଲେ। ଫଳତଃ, ମଣ୍ଟୁ ପାଖରେ ରଖିଥିବା ପିସ୍ତଲ କାଢ଼ି ତାଙ୍କ ଉପରେ ଗୁଳି ଚଳାଇ ସେଠାରୁ ଖସି ପଳାଇଥିଲା।

ବାମ ଜଙ୍ଘରେ ଗୁଳି ଚୋଟ ଲାଗି ଆହତ ହୋଇଥିବା ଗଣେଶଙ୍କୁ ସ୍ଥାନୀୟ ଲୋକେ ଚିକିତ୍ସା ପାଇଁ ସଦର ଡାକ୍ତରଖାନାକୁ ନେଇଛନ୍ତି।
ଖବର ପାଇ ଟାଉନ୍‌ ଥାନା ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।