ସବଡେଗା ମୁଖ୍ୟ ରାସ୍ତା ୨୪ ନମ୍ବର ରାଜ୍ୟ ରାଜପଥରେ ସଡକ ଦୁର୍ଘଟଣାରେ ଦୁଇଜଣ ଗୁରୁତର

ସୁନ୍ଦରଗଡ ତା୨୮/୭/୨୦୨୧ ( ସନ୍ଧାନ ନିଉଜ/ ରାଜୁ ପଟେଲ ) – ସବଡେଗା  ବ୍ଲକ ଅନ୍ତର୍ଗତ ସବଡେଗାର ମୁଖ୍ୟ ରାସ୍ତା 24 ନମ୍ବର ରାଜପଥରେ ଏକ ବାଇକ ସହ କାରର (ଓଡ଼ି-୧୬ଏଚ-୬୪୬୪)  ଦୁର୍ଘଟଣା ଘଟିଛି ।  ଖବର ପାଇ ଅଗ୍ନିସମ ବିଭାଗ ଅତିଶୀଘ୍ର ଘଟଣା ସ୍ଥାନରେ ପହଞ୍ଚି ୧୦୮ ଯୋଗେ ଗୁରୁତରଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ପଠାଇଥିଲେ । ଏହି ଘଟଣା ନେଇ ତଲସରା ଥାନାରେ ଏକ ମାମଲା ରୁଜୁ କରାଯାଇଛି । ସୂଚନା ଅନୁଯାୟୀ ସବଡେଗା ପେରୁଆ ଭାଡ଼ିର  ସରୋଜ ଡ଼ନସେନା ଓ ସୁମନ୍ତ ଟେଟେ ସନ୍ଧ୍ୟା ସମୟରେ ସୁନ୍ଦରଗଡ ଅଭିମୁଖେ ଯାଉଥିବା ସମୟରେ ଏକ ଗାଡିକୁ ଅତିକ୍ରମ କରୁଥିବା ସମୟରେ ଏକ କାର ସହିତ ମୁହାଁମୁହିଁ ହୋଇ ଦୁର୍ଘଟଣାଗ୍ରସ୍ତ ହୋଇଥିଲେ । ଅତିଶୀଘ୍ର ଅଗ୍ନିସମ ବିଭାଗ ୧୦୮କୁ ଯୋଗାଯୋଗ କରି ଆହତ ଦୁଇ ଜଣଙ୍କୁ ସୁନ୍ଦରଗଡ ମୁଖ୍ୟ ଚିକିତ୍ସାଳୟକୁ ପଠାଇଥିଲେ । ଏପରି ଜରୁରୀ କାଳୀନ ପରିସ୍ଥିତିରେ ସହଯୋଗର ହାତ ବଢାଇଥିବାରୁ ଅଗ୍ନିସମ କାର୍ଯ୍ୟକର୍ତା  ବୁଦ୍ଧିଜୀବୀଙ୍କ ମହଲରେ ପ୍ରଶଂସାର  ପାତ୍ର ପାଲଟିଛନ୍ତି ।