ସବଡେଗା ବାଂକୋପଡା ରେ ସ୍କୁଟି ଚୋରି ଅଭିଯୁକ୍ତ ଥାନାରେ ଅଟକ

ସୁନ୍ଦରଗଡ ତା;୧୨/୮/୨୦୨୧ ( ସନ୍ଧାନ ନିଉଜ/ ରାଜୁ ପଟେଲ ) ତଲସରା ଥାନା ଅନ୍ତର୍ଗତ ସବଡେଗା ବାଂକୋପଡା ସାଇକେଲ ଦୋକାନ ସମ୍ମୁଖରେ ଥିବା ସ୍କୁଟିକୁ ଗତକାଲି ମଧ୍ୟାହ୍ନ ୨ଟା ରେ ଚୋରିକରି ନେଉଥିବା ସମୟରେ ଗ୍ରାମବାସୀଙ୍କ ହାବୁଡ଼ରେ ପଡି ନିସ୍ତୁକ ମାଡ଼ ଖାଇଲା ପରେ ତଲସରା ପୋଲିସ କୁ ହସ୍ତାନ୍ତର କରାଯାଇଛି । ଅଭିଯୁକ୍ତଙ୍କୁ ତଦନ୍ତ ଜାରି ରଖି ଅଟକ ରଖିଛି । ଅଭିଯୁକ୍ତ ଝାରଖଣ୍ଡ ରାଜ୍ୟର ହୋଇଥିବା ବେଳେ ତାଙ୍କଠାରୁ ଦୁଇଟି ମୋବାଇଲ ଜବତ କରାଯାଇଛି ।ତଦନ୍ତରେ ବ୍ୟାଘାତ ସୃଷ୍ଟି ହେବାର ଆଶଙ୍କା କରାଯାଉ ଥିବାରୁ ତାଙ୍କ ନାମ ଗୋପନ ରଖାଯାଉଛି । ବାଂକପଡାର ଅନୀଲ ସୋନି ଗାଡି ନମ୍ବର ଓଡ଼ି ୧୬ଏ-୬୭୪୬ ନିଜ ସାଇକେଲ ଦୋକାନ ସମ୍ମୁଖରେ ରଖି ସାଇକେଲ ମରାମତି କରୁଥିବା ସମୟରେ ଜଣେ ଅଜଣା ଯୁବକ ସ୍କୁଟି ନେଇ ଫେରାର ହୋଇଯାଇଥିଲେ । ଅଭିଯୁକ୍ତଙ୍କୁ ବାଇକ ଯୋଗେ ପିଛା କରିବାରୁ ସେ କିଛି ଦୂରରେ ଜଣେ ବୃଦ୍ଧା ମହିଳାଙ୍କୁ ଧକ୍କା ଦେଇ ଗାଡିରୁ ଖସି ପଡ଼ିଥିଲେ । ଖସିପଡି ସବଡେଗା ଗୌଡ଼ ପଡା ବିଲ ଦେଇ ଦୌଡ଼ି ପଳାଇବାକୁ ଉଦ୍ୟମ କରୁଥିବା ସମୟରେ ଗ୍ରାମବାସୀଙ୍କ ହାବୁଡ଼ରେ ପଡ଼ିଥିଲେ । ଏହି ଚୋରି କାର୍ଯ୍ୟରେ ଆଉ କେତେଜଣ ସମ୍ପୃକ୍ତ ଅଛନ୍ତି ତାହା ତଲସରା ପୋଲିସ ତଦନ୍ତ କରୁଛି ।