ସବଡେଗା ଆଞ୍ଚଳିକ ସହଯୋଗ କଲେଜର ଅଧ୍ୟାପକଙ୍କ ଅକାଳ ବିୟୋଗ

ସୁନ୍ଦରଗଡ ତା: ୯/୨/୨୦୨୨( ସନ୍ଧାନ ନିଉଜ/ ରାଜୁ ପଟେଲ ) ସବଡେଗା ବ୍ଲକ ଆଞ୍ଚଳିକ ସହଯୋଗ କଲେଜର ଅଧ୍ୟାପକଙ୍କ ଅକାଳ ବିୟୋଗରେ ଅଞ୍ଚଳରେ ଶୋକର ଛାୟା ଖେଳିଯାଇଛି । ଆଞ୍ଚଳିକ ସହଯୋଗ କଲେଜର ଯୁକ୍ତ ଦୁଇ ରାଜନୀତି ବିଜ୍ଞାନର ଶିକ୍ଷକ ବିରେନ୍ଦ୍ର ପେରୁଆଙ୍କ ଆଜି ଆକସ୍ମିକ ମୃତ୍ୟୁ ଘଟିଛି । ମୃତ୍ୟୁ ବେଳକୁ ତାଙ୍କୁ ୫୫ବର୍ଷ ହୋଇଥିବା ଜଣାପଡିଛି । ଏହି ଖବର ସଂପ୍ରସାରଣ ହେଲା ମାତ୍ରେ କଲେଜର ଅଧ୍ୟାପକ,ଅଧ୍ୟାପିକା, ଛାତ୍ରଛାତ୍ରୀ ସହିତ ଅଞ୍ଚଳର ବିଶେଷ ଭଦ୍ର ବ୍ୟକ୍ତି ଶେଷ ଦର୍ଶନର ସୁଅ ଛୁଟିଥିଲା ଓ ସମସ୍ତେ ତାଙ୍କ ଆତ୍ମାର ସତଗତି ନିମନ୍ତେ ନିରବ ପ୍ରାର୍ଥନା କରିଥିଲେ । ସ୍ୱର୍ଗତ ପେରୁଆଙ୍କ ଶେଷକୃତ ତାଙ୍କ ନିଜ ଗ୍ରାମ ସାଗବାହାଳରେ କରାଯାଇଥିବା ଜଣାପଡିଛି । ସେ ତାଙ୍କ ପରିବାର ସହ କଇସରା ଗ୍ରାମରେ ରହୁଥିଲେ । ଗତ କିଛି ଦିନରୁ ତାଙ୍କ ସ୍ୱାସ୍ଥ୍ୟ ଅବସ୍ଥା ଠିକ ନ ଥିଲା । ଆଜି ହଠାତ ତାଙ୍କର ମୃତ୍ୟୁ ଖବର ପ୍ରକାଶ ପାଇବା ପରେ ଅଞ୍ଚଳରେ ଶୋକର ଛାୟା ଖେଳିଯାଇଥିଲା ।ସେ ଜଣେ ସରଳ, ପରୋପକାରୀ ଓ ଶାନ୍ତ ସ୍ଵଭାଵ ବୋଲି ଅଞ୍ଚଳରେ ପରିଚିତ ଥିଲେ