ସବଡେଗା ଅଞ୍ଚଳରେ ଚୋରିର ସୁଅ କମୁନି, ଲୋକେ ଅସନ୍ତୋଷ

ସୁନ୍ଦରଗଡ ତା:୧୧/୪/୨୦୨୨( ସନ୍ଧାନ ନିଉଜ/ରାଜୁ ପଟେଲ) ସବଡେଗା ଅଞ୍ଚଳରେ ବାରମ୍ବାର ଚୋରି ଘଟଣାକୁ କେନ୍ଦ୍ରକରି ଲୋକେ ଭୟଭୀତ ଓ ଅସନ୍ତୋଷ ପ୍ରକାଶ କରୁଛନ୍ତି । ବିଗତ ସମୟର ଲକ୍ଷାଧିକ ଟଙ୍କା ଚୋରିର ଚବିଶ ଘଂଟା ପରେ ଆଉ ଏକ ଚୋରି ଘଟଣା ସାମ୍ନାକୁ ଆସିଛି । ସୂଚନା ଅନୁସାରେ ସବଡେଗା ତାଲଡ଼ିହି ରାସ୍ତାରେ ଗତକାଲି ୯ଟା୩୦ମିନିଟ ସମୟରେ ଜଣେ ଯୁବକଙ୍କ ଠାରୁ ଗୋଟିଏ ବାଇକ, ମୋବାଇଲ ସହ ସାତ ହଜାର ଟଙ୍କା ଲୁଟି ନେଇଥିଲେ । ସଂପୃକ୍ତ ଚୋର ମାନଙ୍କୁ ବାଇକ ଚାଳକ ଚିନ୍ହି ପାରିଥିବାରୁ ତଲସରା ଥାନାରେ ଅଭିଯୋଗ ପରେ ତାଙ୍କୁ ସବଡେଗା ତୁଙ୍ଗୁରିପଡା ରୁ ଗିରଫ କରି କୋଟ ଚାଲାଣ କରାଯାଇଥିବା ଜଣାପଡିଛି । ଅଭିଯୁକ୍ତ ମାନେ ହେଲେ ଜଗଦୀଶ ବେଗ ସବଡେଗା ତୁଙ୍ଗୁରି ପଡା, ପ୍ରବୀଣ ମିଞ୍ଜ ଗାଇବିରାର ଓ ସନ୍ଦୀପ ଟେଟେ ତାଳଡ଼ିହି ବୋଲି ପୋଲିସର ପ୍ରାଥମିକ ଜଣାପଡିଛି । ବାଇକ ଚାଳକ ରାସିପତ୍ରା ଗ୍ରାମର ସାହାନବାଜ ଖାନ(୨୨ବର୍ଷ) ବାଇକ ନମ୍ବର( ସିଜି ୧୪ଏମଇ ୧୫୧୩ ) ବୋଲି ଜଣାପଡିଛି । ଏହି ସବଡେଗା ତୁଙ୍ଗୁରି ପଡ଼ାରେ ଅନେକ ଲୋକ ବେଆଇନ ଭାବେ ସରକାରୀ ଜମି ଅକ୍ତିଆର କରି ଘର ତିଆରିକରି ରହି ଆସୁଥିବା ସହିତ ଅଂଚଳଟି ନିଛାଟିଆ ହୋଇଥିବାରୁ ଅନେକ ସମୟରେ ଚୋରଙ୍କ ମୁଖ୍ୟସ୍ଥଳ ପାଲଟିଛି । ଏହା ଅଞ୍ଚଳ ପାଇଁ ଏକ ଚିନ୍ତାର କାରଣ ପାଲଟିଛି ।