ଚଣ୍ଡିଖୋଲ, ୧୪/୪(ସନ୍ଧାନ ନିୟୁଜ/ମାନସ ରାଉତ)-ଆଜି ଏକ ସଡକ ଦୁର୍ଘଟଣାରେ ଜଣେ ଯୁବକର ଘଟଣା ସ୍ଥଳରେ ଶୋଚନୀୟ ମୃତ୍ୟୂ ହୋଇଥିଲା ବେଳେ ଅନ୍ୟ ଦୁଇଜଣ ଗୁରୁତର ଆହତ ହୋଇଛନ୍ତି । ଅ କାଳ ମୃତ୍ୟୁ ବରଣ କରିଥିବା ଯୁବକ ଜଣକ ହେଉଛନ୍ତି ଧର୍ମଶାଳା ଥାନା ତଥା କ୍ଷେତ୍ରପାଳ ପଂଚାୟତ ଅନ୍ତର୍ଗତ ଶ୍ରୀରାମପୁର ଗ୍ରାମର ଟୁକୁଲି ମଲିକଙ୍କ ପୁଅ ରଜତ ମଲିକ(୧୮) । ପ୍ରକାଶ ଯୋଗ୍ୟ ଯେ ରଜତ ଓ ତାଙ୍କର ଦୁଇ ସାଙ୍ଗ ସେହି ଶ୍ରୀରାମପୁର ଗ୍ରାମର ବିକାଶ ଓ ମଦନ ଏକ ଧଳାରଙ୍ଗର ହିରୋ ବାଇକରେ ମହାବିନାୟକ ଦର୍ଶନ ସାରି ୫୩ନଂ ଜାତୀୟ ରାଜପଥ ଦେଇ ଚଣ୍ଡିଖୋଲ ଅଭିମୁଖେ ଆସୁଥିଲା ବେଳେ ଏହି ରାଜପଥର ଖୋସାଲିପୁର ରେଲୱେ ବ୍ରିଜ ଉପରେ ଏକ ହାଇୱା ଗାଡି ନଂ-ଓଆର୧୬ସି-୧୭୩୯ ସେମାନଙ୍କୁ ଧକ୍କା ଦେଇଥିଲା । ଫଳରେ ଘଟଣା ସ୍ଥଳରେ ହିଁ ବାଇକ ଚାଳକ ରଜତର ମୃତ୍ୟୁ ଘଟିଥିଲା । ଏହି ଦୁର୍ଘଟଣାରେ ବିକାଶ ଓ ମଦନ ଗୁରୁତର ଆହତ ହୋଇଥିଲେ । ଖବର ପାଇ ଚଣ୍ଡିଖୋଲ ଫାଣ୍ଡି ଏ.ଏସ.ଆଇ.ସଞ୍ଜିବ କୁମାର ଥାଟ୍ଟୋଇ ଘଟଣା ସ୍ଥଳରେ ପହଂଚି ମୃତ ରଜତରଶବକୁ ବ୍ୟବଛେଦ ପାଇଁ ପଠାଇବା ସହିତ ଗୁରୁତର ଆହାତ ଦୁଇଜଣକୁ କଟକ ବଡ ମେଡିକାଲକୁ ପଠାଇଥିଲେ । ଦୁର୍ଘଟଣାରେ ଅକାଳ ମୃତ୍ୟୁ ବରଣ କରିଥିବା ରଜତଙ୍କ ଗ୍ରାମରେଶୋକର ଛାୟା ଖେଳି ଯାଇଥିଲା ବେଳେ ଗ୍ରାମବାସୀ ମାନେ ଗୁରୁତର ଦୁଇ ଆହତଙ୍କ ଆଶୁ ଆରୋଗ୍ୟ କାମନା କରିଛନ୍ତି ।
