ଶିକ୍ଷୟତ୍ରୀକୁ ନୃଶଂସ ହତ୍ୟା, ସ୍ୱାମୀ ଝିଅ ଗୁରୁତର

ଯାଜପୁର, ୦୬/୦୭ (ସନ୍ଧାନ ନିଉଜ) ଜିଲ୍ଲା ଧର୍ମଶାଳା ୍‌ଥାନା ଅନ୍ତର୍ଗତ ମିର୍ଜାପୁରରେ ଅନନ୍ତ କୁମାରୀ ବିଦ୍ୟାଳରେ ଶିକ୍ଷାଦାନ କରୁଥିବା ତରୁଲତା ମଲିକଙ୍କୁ ଗତକାଲି ରାତିରେ ହତ୍ୟା କରାଯାଇଥିବା ଜଣାପଡିଛି । ଏପରକି ତାଙ୍କ ସ୍ୱାମୀ ନିତ୍ୟାନନ୍ଦ ମଲିକ ଏବଂ ଝିଅ ଜୟନ୍ତୀ ମଲିକଙ୍କୁ ହତ୍ୟା ପାଇଁ ଆକ୍ରମଣ କରାଯାଇଥିଲେ ସୁଧା ଅଳ୍ପକେ ରକ୍ଷା ପାଇଯାଇଛନ୍ତି । ଉଭୟଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇ ଧର୍ମଶାଳାରେ ଚିକିତ୍ସା ନିମନ୍ତେ ଭର୍ତ୍ତି କରାଯାଇଛି । ସୂଚନା ମୁତାବକ ତରୁଲତା ନିଜ ଘର ବରୀ ଅଂଚଳରେ ହୋଇଥିବା ବେଳେ ସେ ମିର୍ଜାପୁରରେ ଶିକ୍ଷକତା କରୁଥିଲେ । ସେଠାରେ ଜୌନିକ ବ୍ୟକ୍ତିଙ୍କ ଘରେ ଭଡାରେନିଜ ସ୍ୱାମୀ ଏବଂ ଝିଅ ସହିତ ରହୁଥିଲେ । ଆଜି ସକାଳୁ ତରୁଲତା ଏବଂ ତାଙ୍କ ପରିବାର ରକ୍ତଜୁଡୁବୁଡ ଅବସ୍ଥାରେ ପଡିଥିବାର ପୋଡଶୀ ଦେଖିବା ପରେ ପୋଲିସ ପଂହଚିଥିଲା । ଘଟଣା ସ୍ଥଳରେ ତରୁଲତାଙ୍କର ମୃତ୍ୟୁ ହୋଇଥିବା ବେଳେ ସ୍ୱାମୀ ଏବଂ ଝିଅ ଗରୁତର ଅବସ୍ଥାରେ ପଡିରହିଥିଳେ । ତେବେ ଗତକାଲି କିମ୍ଭା ଭୋରୁ ତଙ୍କୁ କେହି ମାରଣାସ୍ତ୍ରରେ ଆକ୍ରମଣ କରି ହତ୍ୟା କରାଯାଇଥିବା ପାରିପାର୍ଶିକ ଅବସ୍ଥାରୁ ଜଣାପଡୁଛି । ତେବେ ଅଧିକ ତଦନ୍ତ ଏବଂ ପୋଷ୍ଟମଟମ ରିପୋର୍ଟରୁ ଏବଂ ସାଇଂଟିଫିକ ଟିମ ଘଟଣାସ୍ଥଳରେ ପଂହଚି ତଦନ୍ତ କରିବା ପରେ ହତ୍ୟା କାଣ୍ଡର ପକୃତ ରହସ୍ୟ ଜଣାପଡିବ ବୋଲି ଜିଲ୍ଲାପୋଲିସ ପକ୍ଷରୁ ସୂଚନା ଦିଆଯାଇଛି ।