ଶିକ୍ଷକ ବିଷ୍ନୁ ଚରଣ ପ୍ରଧାନଙ୍କର ଚତୁର୍ଥ ବାର୍ଷିକ ସ୍ମୃତିଚାରଣ ସଭା

ଚଣ୍ଡିଖୋଲ,୧୯/୧(ସନ୍ଧାନ ନିୟୁଜ)- ବଡଚଣା ଅଂଚଳର ବିଶିଷ୍ଟ ଶିକ୍ଷାବିତ ନାଟ୍ୟ ନିଦେ୍ଦଶକ ସ୍ୱର୍ଗତ ବିଷ୍ଣୁଚରଣ ପ୍ରଧାନ ବିଷ୍ଣୁ ସାରଙ୍କର ଚତୁର୍ଥ ବାର୍ଷିକ ପୂଣ୍ୟତିଥି ଅବସରରେ ମହାବିନାୟକ ବିଦ୍ୟାଳୟରେ ବଡଚଣାର ପୁରାତନ ଛାତ୍ରଛାତ୍ରୀ ଓ ପରିବାର ବର୍ଗଙ୍କ ମିଳିତ ଉଦ୍ୟମରେ ପୂଜ୍ୟପୂଜା ପରମ୍ପରାକୁ ବଜାୟ ରଖିବା ପାଇଁ ଦେଉଲକୁର ଠାରେ ସ୍ମୃତିଚାରଣ ସଭା ଅନୁଷ୍ଠିତ ହୋଇଯାଇଛି । ସର୍ବପ୍ରଥମେ ସ୍ୱର୍ଗତ ଗୁରୁଜୀଙ୍କ ଫଟୋ ଚିତ୍ରରେ ପୁଷ୍ପାଞ୍ଜଳି ଅର୍ପଣ କରାଯିବା ସହ ପ୍ରଦୀପ ପ୍ରଜ୍ୱଳନ କରାଯାଇଥିଲା । ସଭାରେ ଗୁରୁଜୀଙ୍କ ମହାନ ବିପ୍ଳବୀ ଶିକ୍ଷାକ୍ଷେତ୍ରରେ ବଡଚଣା ଅଂଚଳକୁ ଶିକ୍ଷା, ସାମାଜିକ ଚେତନା କଲା ସଂସ୍କୃତି ଗୁରୁ ଭାବେ ଅତୁଲନୀୟ ଅବଦାନ ରହିଛି ଓ ଜିଲ୍ଲା ସ୍ତରରେ ଏବଂ ରାଜ୍ୟ ସ୍ତରରେ ବହୁ ଅନୁଷ୍ଠାନ ଠାରୁ ପୁରସ୍କୃତ ହୋଇଥିବା ବକ୍ତାମାନେ ସେମାନଙ୍କ ବକ୍ତବ୍ୟରେ କହିଥିଲେ । କରୁଣାକର ବଳଙ୍କ ସଭାପତିତ୍ୱରେ ଅନୁଷ୍ଠିତ ଏହି ସଭାରେ ଶ୍ରୀମତୀ ରାଉତ, ଶିବରାମ ସାହୁ, ରମାକାନ୍ତ ରାଉତ, ନୀଳକଣ୍ଠ ବରାଳ, ଭାଗ୍ୟଧର ପ୍ରଧାନ, ଭଗବାନ ପଣ୍ଡା ପ୍ରମୁଖ ଯୋଗ ଦେଇ ସ୍ମୃତିଚାରଣ କରିଥିଲେ ।