କଳାହାଣ୍ଡି, ୦୧/୧୧ (ସନ୍ଧାନ ନିୟୁଜ) ଏହିପରି ଏକ ଅଭାବନିୟ ଘଟଣା ଦେଖିବାକୁ ମିଳୁଛି କଳାହାଣ୍ଡି ଜିଲ୍ଲା କୋକସରl ଗୋଷ୍ଠୀ ଶିକ୍ଷା ବିଭାଗ ଅନ୍ତର୍ଗତ ଫୁବପଗାଁ ପଂଚାୟତ ଗତାବନ୍ଧ ପ୍ରାଥମିକ ବିଦ୍ୟାଳୟରେ ଶିକ୍ଷକ ଅଭାବକୁ ନେଇ ଆଜି (ଶୁକ୍ରବାର) ଗ୍ରାମବାସୀ ସ୍କୁଲରେ ତାଲା ପକେଇ ଆନ୍ଦୋଳନ କରିଛନ୍ତି। ସୁଚନା ଅନୁସାରେ, ଏହି ବିଦ୍ୟାଳୟରେ ଦିର୍ଘ ଦିନ ହେବ ଶିକ୍ଷକ ଅଭାବ ଲାଗିରହିଥିବା ବେଳେ ଗତକାଲି ଜଣେ ଶିକ୍ଷକ ଅବସର ନେବାପରେ ଜଣେ ଶିକ୍ଷକରେ ଶିକ୍ଷା ଦାନ ବିପର୍ଯ୍ୟୟ ହୋଇ ପଡ଼ିଥିବ ବୋଲି ଗ୍ରାମବାସୀ ଅଭିଯୋଗ କରିଛନ୍ତି। ତେବେ ପ୍ରଥମ ରୁ ପଞ୍ଚମ ଶ୍ରେଣୀରେ ୬୪ ଜଣ ଛାତ୍ରଛାତ୍ରୀ ଅଧ୍ୟୟନ କରୁଥିବାବେଳେ ଜଣେ ମାତ୍ର ଶିକ୍ଷକ ରହିଥିବା ଯୋଗୁଁ ପୂର୍ବରୁ ଅଭିଭାବକ ମାନେ ଶିକ୍ଷା ଅଧିକାରୀଙ୍କ ନିକଟରେ ଅଭିଯୋଗ କରିଥିଲେ ମଧ୍ୟ କୌଣସି ସୁଫଳ ମିଳିପାରୁ ନଥିବାରୁ ସ୍କୁଲରେ ତାଲା ମାରି ଶିକ୍ଷକ ନିଯୁକ୍ତି ନହେବା ଯାଏ ଆନ୍ଦୋଳନ କରିବାକୁ ଗ୍ରାମବାସୀ ଅଡିବସିଛନ୍ତି।
କଳାହାଣ୍ଡି ରୁ ଦୁର୍ଯ୍ୟୋଧନ ସାହୁ ଙ୍କ ରିପୋର୍ଟ
