ଶନିଶ୍ଚର ଦେବଙ୍କ ନୂତନ ମନ୍ଦିର ପ୍ରତିଷ୍ଠା

ରସୁଲପୁର,୧୪ /୩ (ସନ୍ଧାନ ନିୟୁଜ) ରସୁଲପୁର ବ୍ଲକ ଅନ୍ତର୍ଗତ ଇଚ୍ଛାପୁର ଗ୍ରାମରେ ଶନିଶ୍ଚର ଦେବଙ୍କ ନୂତନ ମନ୍ଦିର ପ୍ରତିଷ୍ଠା ଯଜେ୍ଞାତ୍ସବ ଆଜି ସଂଧ୍ୟାରେ ଉଦ୍ୟାପିତ ହୋଇଯାଇଛି । ଏଥି ସକାଶେ ଗ୍ରାମବାସୀଙ୍କ ମଧ୍ୟରେ ଉତ୍ସାହ ପରିଲକ୍ଷିତ ହୋଇଛି । ଯଜ୍ଞକର୍ମ ଓ ପ୍ରତିଷ୍ଠା ଉତ୍ସବରେ ସବୁବର୍ଗର ଲୋକଙ୍କର ସହଯୋଗ ରହିଥିଲା ।
ଏହି ଅବସରରେ ମଙ୍ଗଳବାର ଦିନ ଅଙ୍କୁରାପୋଣ ଓ ଶୁଭାଧିବାସ, ବୁଧବାର ଦିନ କଳସ ଶୋଭାଯାତ୍ରା, ବେଦପାଠ, ଗୁରୁପୂଜା, ସୂର୍ଯ୍ୟପୂଜା, ଗୋ-ପୂଜା, ଯଜ୍ଞାଗ୍ନି ସ୍ଥାପନ, ଶନିଶ୍ଚରଙ୍କ ମହାସ୍ନାନ, ଜୀବନ୍ୟାସ, ମନ୍ଦିର ପ୍ରତିଷ୍ଠା, ସିଂହାସନବିଜେ, ଷୋଢଶହ ଉପଚାର ପୂଜା, ନବଯୌବନ ଦର୍ଶନ, ସଂଧ୍ୟା ମହାଆଳତୀ ଉତ୍ସବ, ଗାୟତ୍ରୀ ଯଜ୍ଞ, ଗୀତା ଯଜ୍ଞ, ହୋମଯଜ୍ଞ, ପୂର୍ଣ୍ଣାହୂତି ଆଦି ପୂଜା ଉପଚାର ଅନୁଷ୍ଠିତ ହୋଇଥିଲା । ଯଜ୍ଞ କୁଣ୍ଡରେ ୧୦୦୮ ଘୃତ ଆହୂତୀ ପ୍ରଦାନ କରାଯାଇଥିଲା । ପ୍ରାତଃହ ଓ ସଂଧ୍ୟା ସମୟରେ ସଂକୀର୍ତ୍ତନ ମଣ୍ଡଳି ଦ୍ୱାରା ଭଜନ କୀର୍ତ୍ତନ ପରିବେଶଣ କରାଯାଇଥିଲା । ଉକ୍ତ କାର୍ଯ୍ୟକ୍ରମରେ ଯୋଗଦେଉଥିବା ଶ୍ରଦ୍ଧାଳୁମାନଙ୍କ ପାଇଁ ପ୍ରସାଦ ସେବନର ବନେ୍ଦାବସ୍ତ କରାଯାଇଥିଲା । ଯାଜ୍ଞିକ ପଣ୍ଡିତମାନେ ଯଜ୍ଞକାର୍ଯ୍ୟକୁ ପରିଚାଳନା କରିଥିଲେ ।