କେନ୍ଦ୍ରାପଡ଼ା, ୧/୮ ସନ୍ଧାନ ନିଉଜ) : ଆଜି ସକାଳେ କେନ୍ଦ୍ରାପଡ଼ା ଜିଲ୍ଲାର କରଞ୍ଜ ଗାଆଁ ନିକଟରେ ଥିବା ଲୁଣା ନଦୀରେ ଏକ ଦେଢ ବର୍ଷର ଶିଶୁକନ୍ୟାର ମୃତଦେହ ଉଦ୍ଧାର ହୋଇଛି । ଶିଶୁକନ୍ୟାର କେଉଁ ପରିସ୍ଥିତିରେ ମୃତ୍ୟୁ ଘଟିଥିଲା ତାହା ଏଯାବତ୍ ଜଣାପଡ଼ିନାହିଁ। ତେବେ ଶିଶୁର ମାଆର ପରିଚୟ ମିଳିଛି। ସେ ହେଲେ କରଞ୍ଜ ଗାଆଁର ସସ୍ମିତା ସେଠୀ। ସେ ନିଖୋଜ ହୋଇଥିବାରୁ ପୁଲିସ୍ ତାର ସନ୍ଧାନ ଜାରି ରଖିଥିବା ଜଣାଯାଇଛି।
କୁହାଯାଉଛି ସେ ଶିଶୁର ବାପା ଜଣେ ମଦ୍ୟପ। ସେ ଡଙ୍ଗା ଚଳାଏ । ମଦ ପିଇବାକୁ ନେଇ ଅଧିକାଂଶ ସମୟରେ ସ୍ବାମୀ-ସ୍ତ୍ରୀଙ୍କ ଭିତରେ ଝଗଡ଼ା ହୁଏ। ପାରିବାରିକ କଳହରେ ଆଜି ନିରୀହ ଜୀବନ ବଳି ପଡ଼ିଥିବା କୁହାଯାଉଛି ।
