ରାଜଧାନୀରୁ କୋଟିଏରୁ ଉର୍ଦ୍ଧ୍ୱ ଟଙ୍କାର ଧଳାଜହର ଜବତ

ଭୁବନେଶ୍ଵର,୩୧/୧୦/୨୦୨୦ (ସନ୍ଧାନ ନିଉଜ): ରାଜଧାନୀରେ ପୁଣି ଧଳାଜହର କାରବାର। ଘଟଣାରେ କିଙ୍ଗପିନ ଜଳେଶ୍ୱରର ସେକ ହସିମ ବକ୍ସକୁ STF ଗିରଫ କରିଛି । ଭୁବନେଶ୍ୱର ଉପକଣ୍ଠ ଅଞ୍ଚଳରୁ ତାକୁ ଗିରଫ କରାଯାଇଛି। ଅଭିଯୁକ୍ତ ନିକଟରୁ ଏସଟିଏଫ 1KG 70 ଗ୍ରାମ ବ୍ରାଉନସୁଗାର ଜବତ କରିଛି । ଯାହାର ଆନୁମାନିକ ମୂଲ୍ୟ ଏକ କୋଟି 1ଲକ୍ଷ 70 ହଜାର ଟଙ୍କା ହେବ । ଭୁବନେଶ୍ୱରକୁ ବ୍ରାଉନସୁଗାର ଆଣି ସେକ ହାସିମ ବେପାର କରିଥାଏ । ଏନେଇ ପ୍ରେସମିଟରେ କ୍ରାଇମ ବ୍ରାଞ୍ଚ ADG ସୌମେନ୍ଦ୍ର ପ୍ରିୟଦର୍ଶୀ ସୂଚନା ଦେଇଛନ୍ତି । ତେବେ ଚଳିତ ବର୍ଷ ଜାନୁଆରୀଠୁ ବର୍ତ୍ତମାନ ପର୍ଯ୍ୟନ୍ତ ଏସଟିଏଫ 22 କେଜି 168 ଗ୍ରାମ ବ୍ରାଉନସୁଗାର ଜବତ କରିଛି । ସେହିପରି ବ୍ରାଉନସୁଗାର କାରବାର ନେଇ ଥାନାରେ ଏବେ ସୁଦ୍ଧା 24ଟି ମାମଲା ରୁଜୁ ହୋଇଥିବାବେଳେ 44 ଜଣ ବେପାରୀ ଗିରଫ ହୋଇଛନ୍ତି।