ରାଉରକେଲା: ବ୍ୟାଙ୍କ ମିତ୍ର ହେଲେ ଶତ୍ରୁ : 40ଲକ୍ଷ  ଠକି  ଗଲେ  ଜେଲ 

ବୀରମିତ୍ରପୁର, ୨୧/୧୨ (ସନ୍ଧାନ ନିୟୁଜ) ବ୍ୟାଙ୍କରୁ  ୪୦ ଲକ୍ଷ ଟଙ୍କା ଠକେଇ ଅଭିଯୋଗରେ ରାଉରକେଲା ସାଇବର ଥାନା ପୁଲିସ୍‌ ୩  ଜଣ ବ୍ୟାଙ୍କ ମିତ୍ରଙ୍କୁ ଗିରଫ କରିଛି। ଏଥିସହ ସେମାନଙ୍କ ନିକଟରୁ ପୁଲିସ୍‌ ୨ ଲକ୍ଷ ୮୦ ହଜାର ଟଙ୍କା ଜବତ କରିଛି । ଏହି ଠକେଇ ୨୦୧୮ ମସିହା ସେପ୍ଟେମ୍ବର ୨୧ ତାରିଖରୁ ଅକ୍ଟୋବର ୫ ତାରିଖ ମଧ୍ୟରେ ବନ୍ଧମୁଣ୍ଡା ଏବଂ ବୀରମିତ୍ରପୁରସ୍ଥିତ United Bank Of India ରୁ ହୋଇଥିବା ତଦନ୍ତରୁ ଜଣାପଡ଼ିଛି। ମାଞ୍ଚଳ ଲୋକଙ୍କୁ ବ୍ୟାଙ୍କ ସେବା ଯୋଗାଇ ଦେବାକୁ ବିଭିନ୍ନ ବ୍ୟାଙ୍କ ତରଫରୁ ବ୍ୟାଙ୍କ ମିତ୍ର ଯୋଜନା ଆରମ୍ଭ କରାଯାଇଥିଲା । ବ୍ୟାଙ୍କ ତରଫରୁ ବ୍ୟାଙ୍କ ମିତ୍ରଙ୍କ ନାମରେ ଆକାଉଣ୍ଟ ଖୋଲାଯାଉଥିଲା। କିଓସକ ମାଧ୍ୟମରେ ସେମାନେ ମିନି ବ୍ୟାଙ୍କ ସଦୃଶ କାମ କରୁଥିଲେ । ଏଥିସହ ଗ୍ରାମାଞ୍ଚଳରେ ରହୁଥିବା ଲୋକଙ୍କ ଟଙ୍କା ଜମା ଓ ବାହାର କରିବା କାମ କରୁଥିଲେ ।କିଛି ଦିନ ପରେ ଏହି ବ୍ୟାଙ୍କ ମିତ୍ରମାନେ କିନ୍ତୁ ବ୍ୟାଙ୍କ ସର୍ଭରକୁ ଦୂରୁପଯୋଗ କରି ଏହି ଠକେଇ ଆରମ୍ଭ କରିଥିଲେ। ପ୍ରଥମେ ବନ୍ଧମୁଣ୍ଡାସ୍ଥିତ  UBIର ବ୍ୟାଙ୍କ ମିତ୍ର ସନ୍ତୋଷ ପତି ଏହି ଠକେଇରେ ସଫଳ ହୋଇଥିଲେ।