ଯୁବକର ସନ୍ଧେହ ଜନକ ମୃତ୍ୟୁ: ହତ୍ୟା କରାଯାଇଥିବା ସନ୍ଦେହ

ଯାଜପୁର, ୫/୬ (ସନ୍ଧାନ ନିଉଜ୍/ପ୍ରଶାନ୍ତ ସାମଲ) ଯାଜପୁର ରୋଡ ଥାନା ଅଧିନ ଜୋକୋଡ଼ିଆ ବ୍ରିଜି ନିକଟରେ ଜଣେ ଯୁବକର ଅପରାହ୍ନ ୫ ଟା ସମୟରେ ସନ୍ଦେହ ଜନକ ଶବ ଉଦ୍ଧାର ହୋଇଛି । ଘଟଣାରୁ ପ୍ରକାଶ ମୃତକ ଜଣକ ହେଲେ ସୁକିନ୍ଦା ଥାନା ଅନ୍ତର୍ଗତ ହାତିବାରୀ ପଞ୍ଚାୟତ ଅଧିନ ବୈରୀମାଳ ଗ୍ରାମର ଫଗୁ ପରିଡ଼ାଙ୍କ ପୁଅ ଭିକାରି ପରିଡ଼ା (୪୦)ବୋଲି ଜଣା ପଡ଼ିଛି ।ବିଶେଷ ସୂତ୍ରରୁ ଜଣାପଡ଼ିଛି ଯେ ଭିକାରି ପରିଡ଼ା ଜୋକୋଡ଼ିଆ ବ୍ରିଜି ନିକଟରେ ପଳାସ ବୁଦା ମୂଳରେ ବହୁ ସମୟ ଧରି ପଡିଥିଲେ ଲୋକମାନେ ଭାବୁଥିଲେ ଯେ କିଏ ଗୋଟେ ମଦୁଆ ବୋଧେ ପଡିଛି କିନ୍ତୁ ବହୁ ସମୟ ଗଲାପରେ ଲୋକମାନଙ୍କର ସନ୍ଧେହ ହେବାରୁ ପାଖକୁ ଯାଇ ଦେଖିଲା ବେଳକୁ ଭିକାରୀ ର ମୃତ୍ୟୁ ହୋଇଥିଲା । ସ୍ଥାନୀୟ ଲୋକମାନେ ଭିକାରୀ ନିକଟରୁ ଏକ ମୋବାଇଲ୍  ପାଇଥିଲେ ଏବଂ ମୋବାଇଲ୍ ରୁ ବହୁ ଖୋଜା ଖୋଜି କରି କୌଣସି ମତେ ତାଙ୍କ ଘର ନମ୍ବରରରେ ଜଣାଇଥିଲେ ଏବଂ ଯାଜପୁର ରୋଡ଼ ପୋଲିସଙ୍କୁ ମଧ୍ୟ ଖବର ଦେଇ ଥିଲେ ।ଖବର ପାଇ ପୋଲିସ ଘଟଣା ସ୍ଥଳରେ ପହଞ୍ଚି ଶବ ଜବଦ କରି ବ୍ୟବଚ୍ଛେଦ ନିମନ୍ତେ ଦାନଗଦି ଗୋଷ୍ଟି ସ୍ୱାସ୍ଥ୍ୟ କେନ୍ଦ୍ରକୁ ପଠାଇଥିଲେ । ଭିକାରୀ ର ଘର ଲୋକ କହିବା ଅନୁଯାୟୀ ଭିକାରୀ ଖାଇ ପିଇ ଘରେ ଖରାବେଳେ ସୋଇଥିଲେ ବାରମ୍ବାର ତାଙ୍କ ନିକଟକୁ ଫୋନ ଆସିବାରୁ ବିରକ୍ତ ହୋଇ ଗାଳିଗୁଲଜ କରି କହିଲେ ରୁହ ମୁଁ ଯାଉଛି ବୋଲି ଗଲାବେଳେ ସାଙ୍ଗରେ ଗାଁ ସାଙ୍ଗଙ୍କ ଠାରୁ ଆଣିଥିବା ୫୦,୦୦୦ଟଙ୍କା ନେଇ ଯାଇଥିଲେ ।ଘରଲୋକ କହିବା ଅନୁଯାୟୀ ତାଙ୍କୁ କେହି ଦୃବୁତ ଷଡଯନ୍ତ୍ର କରି ହତ୍ୟା କରିଛନ୍ତି ଏଥିନେଇ ତାଙ୍କ ପତ୍ନୀ ସୁକିନ୍ଦା ଥାନାରେ ଲିଖିତ ଅଭିଯୋଗ କରିଛନ୍ତି ।।