ଯୁବକର ସନ୍ଦେହ ଜନକ ମୃତ ଦେହ ଉଦ୍ଧାର

ଯାଜପୁର, ୧୭/୪ (ସନ୍ଧାନ ନିୟୁଜ/ପ୍ରଶାନ୍ତ ସାମଲ) ସୁକିନ୍ଦା ଥାନା ଅନ୍ତର୍ଗତ ବିରିଗଡା ଗ୍ରାମ ନିକଟରେ ଥିବା ଏକ ଆମ୍ବଗଛ ମୂଳରୁ ଜଣେ ଯୁବକର ଶବ ଉଦ୍ଧାର କରାଯାଇଛି । ଉକ୍ତ ଯୁବକ ଜଣକ ନାମ ବାଦଲ ନାୟକ ।ସେ କେନ୍ଦୁଝର ଜିଲ୍ଲା ରାମଚନ୍ଦ୍ରପୁର ଥାନା ଅଧିନ ବରପଦା ଗ୍ରାମର ବାବୁଲା ନାୟକଙ୍କ ପୁଅ ବୋଲି ଜଣାପଡିଛି ।ସେ ସୁକିନ୍ଦା ଗ୍ରାମ ପଞ୍ଚାୟତ ବିରିଗଡ଼ା ଗ୍ରାମ ଭୂମିଜ ସାହିସ୍ଥିତ ଶଶୁର ଘରକୁ ଆସିଥିଲେ ।ସେ ଘରେ ଖାଇବା ପରେ ଆମ୍ବ ତୋଟା ଆଡେ ବୁଲିବାକୁ ଯାଇଥିଲେ  । ଅପରାହ୍ନରେ ସେହି ଗ୍ରାମର ଲୋକମାନେ ତାଙ୍କୁ ଆମ୍ବଗଛ ମୂଳରେ ପଡିଥିବା ଖବର ଦେଇଥିଲେ ।ପରିବାର ଲୋକେ ତାଙ୍କୁ ସୁକିନ୍ଦା ଗୋଷ୍ଟି ସ୍ୱାସ୍ଥ କେନ୍ଦ୍ରକୁ ନେଇଥିବା ବେଳେ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ ।ସୁକିନ୍ଦା ପୋଲିସ୍ ଶବ ଜବତ କରି ଏକ ଅପମୃତ୍ୟୁ ମାମଲା ରୁଜୁ କରିବା ସହ ଅଧିକ ତଦନ୍ତ ଚଳାଇଥିବା ଜଣାପଡିଛି ।ଶବ ବ୍ୟବଚ୍ଛେଦ ନିମନ୍ତେ ଦାନଗଦି ଗୋଷ୍ଟି ସ୍ୱାସ୍ଥ କେନ୍ଦ୍ରକୁ ପଠାଇଥିବା ପୋଲିସ୍ ସୂତ୍ରରୁ ଜଣାପଡ଼ିଛି ।।