ଯାଜପୁର ୨୦/୧୦ (ସନ୍ଧାନ ନିଉଜ) ଧର୍ମଶାଳା ବ୍ଲକ, ଚକ୍ରଧରପୁର ପଞ୍ଚାୟତ , ମୁକୁନ୍ଦପୁର ଗ୍ରାମ (ଡୁବୁରୀ ସାହି) ପକ୍ଷରୁ ୨୪ ତମ ଗଜଲକ୍ଷ୍ମୀ ପୂଜା ଅନୁଷ୍ଠିତ ହେଉଛି । ପାରମ୍ପରିକ ରୀତିନୀତି ଅନୁଯାୟୀ ଗତକାଲି ଅଧିବାସ ଓ ସୂର୍ଯ୍ୟ ପୂଜା ପରେ ଅପରାହ୍ନରେ କଳସ ସ୍ଥାପନ ପରେ ପୂଜା ମଣ୍ଡପର ଆସ୍ଥାନରେ ମୃଣ୍ମୟୀ ମୂର୍ତ୍ତି ସ୍ଥାପନ କରି ମାର୍ଜନା ଓ ପୂଜାର୍ଚ୍ଚନା କରିବା ପରେ ମା ଙ୍କ ଆଖି ଖୋଲିଥିଲା। ଏହି ପୂଜା ତିନିଦିନ ଧରି ଅନୁଷ୍ଠିତ ହେବ । ସନ୍ଧ୍ୟାରେ ହୋମଯଜ୍ଞ, ନୀତିକାନ୍ତି ପରେ ୬ ଟା ପରେ ପୁଷ୍ପାଞ୍ଜଳି ଓ ଆଳତି ହୋଇଥିଲା । ସ୍ଥାନୀୟ ଅଞ୍ଚଳର ଭକ୍ତ ଓ ଶ୍ରଦ୍ଧାଳୁମାନେ ପହଞ୍ଚି କଡା କଟକଣା ମଧ୍ୟରେ ଦର୍ଶନ କରିଥିଲେ । କର୍ତ୍ତା ଅମୂଲ୍ୟ ଘଡାଇ କମିଟି ସଭାପତି ଭୀମ ପାଳ ତତ୍ତ୍ୱାବଧାନରେ କମିଟର ବରିଷ୍ଠ ସଦସ୍ୟ ଶ୍ରିଧର ଘଡାଇ , ଧ୍ରୁବ ଚରଣ ସ୍ୱାଇଁ , ରବି ରାଉତ , ଶଙ୍କର ଜେନା ,ବାବୁଲି ଘଡାଇ , ସୁବଳ ବେହେରା , ସରତ ସାହୁ ସମସ୍ତ ସଦସ୍ୟ ବୃନ୍ଦ ସହଯୋଗରେ ପୂଜାକାର୍ଯ୍ୟକୁ ସୂଚାରୁରୂପେ ପରି ଚାଳନା କରୁଛନ୍ତି ।
