ମାର୍ବଲ ଦୋକାନରେ ଟାଇଲ ଚୋରୀକରୁଥିବା ଆସାମୀ କୋର୍ଟ ଚାଲାଣ

ଯାଜପୁର ସଦର,୦୫ା୧୧ (ସନ୍ଧାନ ନିଉଜ) : ଯାଜପୁର ଜିଲ୍ଲା ରସୁଲପୁର ବ୍ଲକ କୁଆଖିଆ ଥାନା ନିକଟସ୍ଥ ମଧୁବନ ରୋଡ଼ରେ ରହିଥିବା ଓମ ମାର୍ବଲ ଦୋକାନରୁ ଜଣେ ଚୋର ଟାଇଲ ଚୋରୀ କରୁଥିବା ଅଭିଯୋଗରେ ସିସି ଟିଭିକୁ ଯାଞ୍ଚ କରି ଏହି ମାର୍ବଲ ଚୋରକୁ ଗିରଫ କରାଯାଇ କୋର୍ଟ ଚାଲାଣ କରାଯାଇଚି । ଘଟଣାରୁ ପ୍ରକାଶ ଯେ, ଓମ ମାର୍ବଲ ଦୋକାନରେ ଏହି ବ୍ଲକ ଚଣ୍ଡିପୁର ପାଳସାହି ଗ୍ରାମର ଶୁସାନ୍ତ ପଣ୍ଡା(ପପିନ) ମାର୍ବଲ ଦୋକାନରୁ ରାତିରେ ଟାଇଲ ଚୋରୀ କରି ବାରବାଟୀ ଗ୍ରାମର ଓଡ଼ଙ୍ଗ ଗ୍ରାମରେ ଜଣେ ବ୍ୟକ୍ତିଙ୍କ ଘରେ ବିକ୍ରି ରଖିଥିବା ଟାଇଲକୁ ପୋଲିସ ଜବତ କରିବା ସହିତ ସୁଶାନ୍ତକୁ ଗିରଫ କରାଯାଇଚି । ଦୋକାନର ମାଲିକ ସଞ୍ଜିବ ସାହୁ କୁଆଖିଆ ଥାନାରେ ଅଭିଯୋଗ କରିବାପରେ ସିସିଟିଭରେ ଚୋରୀ ହେବାର ଦୃଶ୍ୟ କୁଆଖିଆ ପୋଲିସ ଦେଖିବାକୁ ପାଇଥିଲେ । କୁଆଖିଆ ଥାନା ଅଧିକାରୀ ମନୋଜ କୁମାର ସ୍ୱାଇଁଙ୍କ ନେତୃତ୍ୱରେ ଏସ୍‌ଆଇ ପ୍ରଦିପ ମଲିକ ତଦନ୍ତ କରି କୁଆଖିଆ ବଜାରରୁ ସୁଶାନ୍ତକୁ ଗିରଫ କରି କୋର୍ଟ ଚାଲାଣ କରାଯାଇଥିବା ଥାନା ଅଧିକାରୀ ମନୋଜ କୁମାର ସ୍ୱାଇଁ ସାମ୍ବାଦିକ ମାନଙ୍କୁ ସୂଚନା ଦେଇଥିଲେ । ସୁଶାନ୍ତକୁ ଚୋରୀ କରିଥିବା ଅଭିଯୋଗରେ ଯାଜପୁର କୋର୍ଟକୁ ଚାଲାଣ କରାଯାଇଛି ।