ମହିଳା ସଚେତନତା ସହିତ ମହିଳା ଆଇନକୁ ନେଇ ସଚେତନତା କାର୍ଯ୍ୟକ୍ରମ

ସୁନ୍ଦରଗଡ ତା:୧୧/୧୧/୨୦୨୧( ସନ୍ଧାନ ନିଉଜ/ ରାଜୁ ପଟେଲ) ସବଡେଗା ବ୍ଲକ ରାଜୀବ ଗାନ୍ଧୀ ସେବାକେନ୍ଦ୍ର ଠାରେ ଏକ ନାରୀ ସଚେତନତା ଶିବିର ଅନୁଷ୍ଠିତ ହୋଇଯାଇଛି । ଏଥିରେ ବ୍ଲକର ବିଭିନ୍ନ ପଞ୍ଚାୟତର ମହିଳା ଜନପ୍ରତିନିଧି ଓ ବିଭିନ୍ନ ବିଭାଗର ସରକାରୀ ବେସରକାରୀ ମହିଳା କର୍ମଚାରୀଙ୍କୁ ନେଇ ମହିଳା ମାନଙ୍କ ସୁରକ୍ଷା, ସମାନତାକୁ ନେଇ ଆମ ସମ୍ବିଧାନରେ ଥିବା ପ୍ରତ୍ୟେକ ଉକ୍ତିକୁ ମଞ୍ଚରେ ଥିବା ଅତିଥିମାନେ ଉଦବୋଧନ ଦେଇ ମହିଳା ଆଇନ ଉପରେ ସଚେତନତା କରାଇଥିଲେ । ଏହି ସଭାରେ ଜିଲ୍ଳା ଆଇନ ପ୍ରାଧିକରଣ ସଚିବ
ଶୁଭଶ୍ରୀ ପ୍ରଧାନ ଯୋଗଦେଇ ମହିଳା ମାନଙ୍କ ଆଇନ,ଅଶ୍ଲୀଳତା ଜନିତ ଅପରାଧ, ପାରିବାରିକ ଜନିତ ହିଂସାରୁ ମହିଳାଙ୍କୁ ଉଦ୍ଧାର, ଯୌତୁକ ପ୍ରଥାର ନିବାରଣ, ଅନୈତିକ କନ୍ୟା ଚାଲାଣ ଓ ବେଶ୍ୟା ବୃତି, ମହିଳାଙ୍କ ସମ୍ପତିରେ ଅଧିକାର ,ମହିଳା ଛାଡପତ୍ର, ଭରଣ ପୋଷଣ ବ୍ୟବସ୍ଥା,
ବିଷୟରେ ସଚେତନତା କରାଇଥିଲେ ।ଏହି ସଭାରେ ସମ୍ମାନୀୟ ଅତିଥି ରୂପେ ସମାଜସେବୀ ତଥା ବରିଷ୍ଠ ଆଇନଜୀବୀ ସ୍ନେହଲତା ପଟେଲ,
ସୁପ୍ରଭା ପଟେଲ ଓ ଲିପ୍ସା ନାଏକ ଯୋଗଦେଇ ନିଜର ବକ୍ତବ୍ୟ ପ୍ରଦାନ କରିଥିଲେ । ଏହି କାର୍ଯ୍ୟକ୍ରମକୁ ବ୍ଲକ ଅଧିକାରୀ ନାରାୟଣୀ ପ୍ରିୟଦର୍ଶନୀ ପଣ୍ଡା କାର୍ଯ୍ୟକ୍ରମକୁ ପରିଚାଳନା କରିଥିବା ବେଳେ ତଲସରା ଥାନା ଆଇ.ଆଇ.ସି ଶ୍ରଦ୍ଧାଞ୍ଜଳୀ ସୁବୁଦ୍ଧି ଧନ୍ୟବାଦ ଅର୍ପଣ କରିଥିଲେ ।