ଏହି ଘଟଣା ପରେ ଦିଲ୍ଲୀ ସ୍ୱାସ୍ଥ୍ୟମନ୍ତ୍ରୀ ସତ୍ୟେନ୍ଦ୍ର ଜୈନ କହିଛନ୍ତି ସଂପୃକ୍ତ ଲୋକମାନେ କେବଳ ଦୁର୍ବ୍ୟବହାର ପ୍ରଦର୍ଶନ କରିଥିଲେ। ଆକ୍ରମଣ କରିନାହାନ୍ତି। ଯେଉଁମାନେ ଏଭଳି କରିଛନ୍ତି ସେମାନଙ୍କ ବିରୁଦ୍ଧରେ ଏଫାଇଆର ରୁଜ୍ଜୁ ହୋଇଛି। ଘଟଣାକୁ ଦିଲ୍ଲୀ ରେସିଡେଣ୍ଟ ଡାକ୍ତର ସଂଘ ନିନ୍ଦା କରିବା ସହ ସୁରକ୍ଷା ପାଇଁ ଦାବି କରିଛି। ସଂଘ ପକ୍ଷରୁ କୁହାଯାଇଛି ଡାକ୍ତରଖାନାରେ ମୁତୟନ ହୋଇଥିବା ସୁରକ୍ଷାକର୍ମୀମାନଙ୍କୁ ସୁରକ୍ଷା ଉପକରଣ ଦିଆଯାଇନଥିବାରୁ ସେମାନେ ଓ୍ୱାର୍ଡ ମଧ୍ୟକୁ ପ୍ରବେଶ କରିପାରୁନାହାନ୍ତି।