ମହିଳାଙ୍କ ଝୁଲନ୍ତା ମୃତଦେହ ଉଦ୍ଧାର

ରାଇରଙ୍ଗପୁର, ୧୨.୦୨.୨୦୨୧(ସନ୍ଧାନ ନିଉଜ୍ /ଲିଙ୍ଗରାଜ ପଣ୍ଡା):-ବାମନଘାଟୀ ଉପଖଣ୍ଡର ଜାମଦା ଥାନାର କୁଳତା ଗ୍ରାମରୁ ଝୁଲନ୍ତା ଅବସ୍ଥାରେ ମୃତ ଦେହ ଉଦ୍ଧାର କରାଯାଇଛି । ମୃତ ମହିଳା ହେଲେ ଉକ୍ତ ଗ୍ରାମର ମିର୍ଜା ଟୁଡୁଙ୍କ ସ୍ତ୍ରୀ ଲାଖୁଆଁ ଟୁଡୁ । ପରିବାର ଲୋକଙ୍କ କହିବା ମୁତାବକ, ରାତି ପ୍ରାୟ ୧୧ଟା ବେଳେ ଲାଖୁଆଁ ଟୁଡୁ ବାହାରକୁ ଯାଇଥିଲେ। ହେଲେ ଆଉ ଫେରି ନଥିଲେ । ରାତି ତମାମ ତାଙ୍କୁ ଖୋଜି ଖୋଜି ପରିବାର ଲୋକେ ନୟାନ୍ତ ହୋଇ ପଡିଥିଲେ । ବୁଧବାର ସକାଳୁ ମଧ୍ୟ ପରିବାର ଲୋକେ ତାଙ୍କୁ ଖୋଜିଥିଲେ। ଗାଁ ପାଖ ଏକ ଗଛରେ ଝୁଲନ୍ତା ଅବସ୍ଥାରେ‌ ତାଙ୍କୁ ସ୍ଥାନୀୟ ଲୋକେ ଦେଖୁଥିଲେ ।‌ ପରିବାର ଲୋକଙ୍କ ସହ ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର କରିଥିଲେ । ଶବ, ବ୍ୟବଚ୍ଛେଦ ପାଇଁ ରାଇରଙ୍ଗପୁର ଡାକ୍ତରଖାନାକୁ ଅଣାଯାଇଥିଲା ।