ମଦ୍ୟପ ପୁଅ ମାଡରେ ବାପ ମୃତ

ଜଳେଶ୍ବର, 09.02.2021 (ସନ୍ଧାନ ନିଉଜ୍ / ଲିଙ୍ଗରାଜ ପଣ୍ଡା):-  ବାଲେଶ୍ଵର ଜିଲ୍ଲା ବାଲିଆପାଳ ଥାନା ଗଡଜାମକୁଣ୍ଡା ଗାଁରେ ଅଘଟଣ । ମଦ ପିଇବାକୁ ବିରୋଧ କରିବାରୁ ମଦ୍ୟପ ପୁଅ ମାଡରେ ବାପ ମୃତ । ମୃତକ ହେଲେ ଅନନ୍ତ ଜେନା । ଘଟଣାସ୍ଥଳରେ ବାଲିଆପାଳ ପୋଲିସ ପହଞ୍ଚି ତଦନ୍ତ ଜାରି ରଖିଛି । ସୂଚନାଯୋଗ୍ୟ ଯେ,  ଅନନ୍ତ ଜେନାଙ୍କର ତିନି ପୁଅ । ବଡ ପୁଅ ଘରେ ରହୁଥିବା ବେଳେ ଅନ୍ୟ ଦୁଇ ଜଣ ବାହାର ରାଜ୍ୟରେ କାମ କରନ୍ତି । ବଡ ପୁଅ ସବୁବେଳେ ମଦ ପିଇ ଘରକୁ ଫେରନ୍ତି । ତେବେ ରବିବାର ପୁଅ ମଦ ପିଇ ଘରକୁ ଫେରିବା ପରେ ବାପ-ପୁଅ ମଧ୍ୟରେ ଝଗଡା ହୋଇଥିଲା ।  ଏଥିରେ ଉତକ୍ଷିପ୍ତ ହୋଇ ପୁଅ, ବାପାଙ୍କୁ ଧକ୍କା ଦେଇଥିଲା।  ଫଳରେ ବାପା ଅନନ୍ତ ତଳେ ପଡିଯାଇଥିଲେ । ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ହୋଇଥିଲା । ଘଟଣାକୁ ପୁଅ ଗୌରାଙ୍ଗ ଜେନା ସ୍ବୀକାର କରିଥିବା ବେଳେ ପୋଲିସ ତଦନ୍ତ ପରେ ପ୍ରକୃତ ଘଟଣା ପଦାକୁ ଆସିବ ବୋଲି କୁହାଯାଉଛି ।