ମତଦାନ ଶେଷ : ଭିଭିପାଟରେ ସିଲ୍ ହେଲା ପ୍ରାର୍ଥୀଙ୍କ ଭାଗ୍ୟ

ରସୁଲପୁର, ୨୯/୪(ସନ୍ଧାନ ନିୟୁଜ) : ୨୦୧୯ ସାଧାରଣ ନିର୍ବାଚନର ୪ର୍ଥ ପର୍ଯ୍ୟାୟ ମତଦାନ ନିମନ୍ତେ ରସୁଲପୁର ବ୍ଲକ ଅନ୍ତର୍ଗତ ୨୮ ପଂଚାୟତ ମଧ୍ୟରୁ କୋରାଈ ନିର୍ବାଚନମଣ୍ଡଳୀ ଅର୍ନ୍ତଗତ ୦୯ ପଂଚାୟତ ଏବଂ କୋରାଇ ବ୍ଲକର ୨୮ପଂଚାୟତରେ ଆଜି ମତଦାନ ପ୍ରାୟତ ଶାନ୍ତି ଶୃଙ୍ଖଳାରେ ଶେଷ ହୋଈଛି । ଗଣତଂତର ଏହି ମହାପର୍ବ ଅବସରରେ ଲକ୍ଷ୍ମୀନଗର ପଂଚାୟତର ୫ ଗୋଟି ବୁଥ୍ରେ ମତଦାନ ଶେଷ ହୋଈଛି । ପଂଚାୟତର ଭିକିପୁର ମତଦାନ କେନ୍ଦ୍ରରେ ସର୍ବାଧିକ ୮୯% ମତଦାତା ଶାନ୍ତି ଶୃଙ୍ଖଳାର ସହିତ ମତଦାନ କରିଥିବାବେଳେ ଲକ୍ଷ୍ମୀନଗର ମତଦାନ କେନ୍ଦ୍ରରେ ୭୯% , ତରାପୁର ମତଦାନ କେନ୍ଦ୍ରରେ ୮୧ % , ରାଧାନଗର ମତଦାନ କେନ୍ଦ୍ରରେ ୮୬% , କୃଷ୍ନନଗର ମତଦାନ କେନ୍ଦ୍ରରେ ୮୪% ମତଦାନ ହୋଇଛି । ଅତି ଉତ୍ତେଜନାପ୍ରବଣ ବୁଥ୍ ଭାବେ ସରକାରୀ ଭାବେ ପରିଗଣିତ ଭିକିପୁର ଏବଂ ତରାପୁର ମତଦାନ କେନ୍ଦ୍ରରେ ଶାନ୍ତି ଶୃଙ୍ଖଳାରେ ମତଦାନ ଶେଷ ହୋଈଥିବାବେଳେ କୃଷ୍ନନଗର ମତଦାନ କେନ୍ଦ୍ରରେ ସାମାନ୍ୟ କଥାରୁ ବଚସାରୁ ହାତାହାତି ଏବଂ ପରେ ମକଦ୍ଧମା ଆଡ଼କୁ ଯାଇଛି ।