ଭୂମିହୀନଙ୍କୁ ଜମି ଯୋଗାଇବାକୁ ଯୁବକଙ୍କ ବାଲେଶ୍ୱର ଠାରୁ ଭୁବନେଶ୍ୱର ପର୍ଯ୍ୟନ୍ତ ପଦଯାତ୍ରା

ଯାଜପୁର,୧୦ /୨(ସନ୍ଧାନ ନିୟୁଜ/ମାନସ ରାଉତ) ବିଜୁବାବୁଙ୍କର ପ୍ରତିଶ୍ରୁତି ଥିଲା ଓଡିଶାର ପ୍ରତ୍ୟେକ ଗରିବ ଭୂମିହୀନମାନଙ୍କୁ ଗୁଣ୍ଠିକିଆ ପଟ୍ଟା ଯୋଗାଇଦେଇ ଆଶ୍ରୟ ଦେବା ପାଇଁ । ତେବେ ଏବେ ବି ଓଡିଶାର ବିଭିନ୍ନ ଜିଲ୍ଲାରେ ଭୂମିହୀନଙ୍କ ସଂଖ୍ୟା ବହୁମାତ୍ରାରେ ରହିଛି । ଏହାକୁ ନେଇ ବାଲେଶ୍ୱର ଜିଲ୍ଲା ବାଲିଆ ଅଂଚଳର ଜଣେ ଯୁବକ ଦୀପୁ ଦାସ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଭେଟିବା ପାଇଁ ଏବଂ ଓଡିଶାର ପ୍ରତ୍ୟେକ ଭୂମିହୀନଙ୍କୁ ୪ଡିସମିଲ ଜାଗା ଯୋଗାଇଦେବାପାଇଁ ବାଲେଶ୍ୱରର ଫକୀରମୋହନ ଗୋଲେଇରୁ ୧୬ନଂ ଜାତୀୟ ରାଜପଥରେ ଭୁବନେଶ୍ୱର ଅଭିମୁଖେ ଯାତ୍ରା ଆରମ୍ଭ କରିଛନ୍ତି । ଦୀପୁ ରବିବାର ଦିନ ଭୁବନେଶ୍ୱରରେ ପହଂଚି ଏ ସଂପର୍କରେ ନବୀନ ପଟ୍ଟନାୟକଙ୍କୁ ତାଙ୍କ ଦାବିପତ୍ର ଦେବେ ବୋଲି ଜାରକା ଅତିକ୍ରମ କରୁଥିବା ବେଳେ ତାଙ୍କ ପ୍ରତିକ୍ରୀୟାରେ କହିଛନ୍ତି । ତେବେ ତାଙ୍କ ନିଜ ପରିବାର ଭୂମିହୀନ ହୋଇଥିବା ବେଳେ ଏହାର କଷ୍ଟ ସେ ଜାଣିଛନ୍ତି ବୋଲି କହିଛନ୍ତି । ତାଙ୍କର ଏହି ପଦଯାତ୍ରା ପାଇଁ ପରିବାର ଓ ସ୍ଥାନୀୟ ଲୋକେ ତାଙ୍କୁ ସହଯୋଗ କରୁଥିବା ସେ ପ୍ରକାଶ କରିଛନ୍ତି ।