ସେହିପରି ସକାଳେ ଜଗତସିଂହପୁର ଏବଂ କଳାହାଣ୍ଡିରେ ଭିଜିଲାନ୍ସର ଦୁଇଟି ଟିମ୍ ଚଢ଼ାଉ କରିଥିଲା । ଭିଜିଲାନ୍ସ ଜାଲରେ କୋଟିପତି ରେଞ୍ଜର । ଆୟ ବହିଃର୍ଭୁତ ସମ୍ପତ୍ତି ଠୁଳ ଅଭିଯୋଗରେ ଜୁନାଗଡ଼ ରେଞ୍ଜର ଲକ୍ଷ୍ମଣ ଶବରଙ୍କ ଘରେ ଭିଜିଲାନ୍ସ ଚଢାଉ କରିଥିଲା । ଲକ୍ଷ୍ଣଣଙ୍କ ଅଫିସ ସହ ପୈତୃକ ଘର ଓ ଶଶୁର ଘର ତୁନାଗାରେ ଏକକାଳୀନ ଚଢ଼ାଉ କରିଥିଲା ।
ଅନ୍ୟପଟେ CESUର କନିଷ୍ଠ ଯନ୍ତ୍ରୀ ଦିପ୍ତୀ ପ୍ରକାଶ ସ୍ୱାଇଁ ଭିଜିଲାନ୍ସ ହାତରେ ଧରାପଡ଼ିଛନ୍ତି । ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଭିଜିଲାନ୍ସ ଟିମ ପକ୍ଷରୁ ଚଢ଼ାଉ ହୋଇଥିଲା । ଆଜି ଭୋର ସମୟରୁ ଦୀପ୍ତିଙ୍କ ଜଗତସିଂହପୁରର ଗୋପାଳସାଗର ମଙ୍ଗଳା କଲୋନୀ ସ୍ଥିତ ବାସଭବନ, ବିସପିତ୍ତଳ ସ୍ଥିତ ପୈତୃକ ଘର, ଗାନ୍ଧୀ ଛକରେ ଥିବା ମାର୍କେଟ କମ୍ପ୍ଲେକ୍ସ ସମେତ ୫ଟି ସ୍ଥାନରେ ଚଢ଼ାଉ କରିଥିଲା ଭିଜିଲାନ୍ସ ଟିମ୍ । ତାଙ୍କ ଘରୁ ୩ଲକ୍ଷ ଟଙ୍କା ଓ ସୁନା ଅଳଙ୍କାର ସବୁ ଜବତ କରାଯାଇଛି ।
