ନୂଆଦିଲ୍ଲୀ ୩୧/୫(ସନ୍ଧାନ ନିୟୁଜ୍)-: ବିଶ୍ୱ ଟେଷ୍ଟ ଚାମ୍ପିଅନସିପ୍ ଫାଇନାଲ୍ ମ୍ୟାଚରେ ଟିମ୍ ଇଣ୍ଡିଆ ପିନ୍ଧିବ ନୂଆ ଜର୍ସି। ଯାହାର ଫଟୋ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଏହାକୁ ଭାରତୀୟ କ୍ରିକେଟ୍ ଦଳର ଅଲରାଉଣ୍ଡର ରବିନ୍ଦ୍ର ଜାଡେଜା ସେୟାର କରିଛନ୍ତି । ୯୦ ଦଶକରେ ବ୍ୟବହୃତ ଜର୍ସି ଭଳି ଦେଖାଯାଉଛି ଏହି ନୂଆ ଜର୍ସି । ଜାଡେଜା ତାଙ୍କ ଟ୍ୱିଟର ହ୍ୟାଣ୍ଡେଲରେ ଭାରତୀୟ ଦଳର ନୂଆ ଜର୍ସିର ଫଟୋ ସେୟାର କରିଛନ୍ତି । ଏହି ଫଟୋ ସେୟାର କରିବା ସହ, ସେ ଏକ ମଜାଳିଆ କ୍ୟାପସନ ମଧ୍ୟ ଦେଇଛନ୍ତି । ସେ ଲେଖିଛନ୍ତି ‘୯୦ ଦଶକର କଥା ମନେପଡ଼ିଲା । ମୋତେ ଏହି ଜର୍ସି ବହୁତ ପସନ୍ଦ ଆସୁଛି।’
ଆସନ୍ତା ମାସରେ ଅର୍ଥାତ ୧୮ ରୁ ୨୨ ଜୁନ୍ ମଧ୍ୟରେ ଭାରତ ଏବଂ ନ୍ୟୁଜିଲ୍ୟାଣ୍ଡ ମଧ୍ୟରେ ବିଶ୍ୱ ଟେଷ୍ଟ ଚାମ୍ପିଅନସିପର ଫାଇନାଲ୍ ମ୍ୟାଚ୍ ଖେଳାଯିବ ।ଏହି ମୁକାବିଲା ପାଇଁ ଭାରତୀୟ ଦଳ ଜୁନ୍ ୨ରୁ ଗସ୍ତ କରିବ। ବର୍ତ୍ତମାନ ଏହି ମ୍ୟାଚ୍ ପାଇଁ ବଛାଯାଇଥିବା ଖେଳାଳିମାନେ ମୁମ୍ବାଇରେ କ୍ୱାରେଣ୍ଟାଇନରେ ଅଛନ୍ତି ଏବଂ ସେଠାରେ ଆଭ୍ୟାସ କରୁଛନ୍ତି କରୁଛନ୍ତି । ଜାଡେଜା ମଧ୍ୟ ଏଥିରେ ସାମିଲ ଅଛନ୍ତି । ତାଙ୍କ ପାଇଁ IPL ୨୦୨୧ ବହୁତ ଭଲ ରହିଥିଲା । ସେ ଭଉୟ ବ୍ୟାଟିଂ ଓ ବଲିଂରେ ଭଲ ପ୍ରଦର୍ଶନ କରିଥିଲେ
