ଭୁବନେଶ୍ବର, ୧୮/୩/୨୦ (ସନ୍ଧାନ ନିଉଜ): ବିଦେଶରୁ ଫେରିଥିବା ଭଉଣୀର ପଞ୍ଜିକରଣ କରାଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ମୁଖ୍ୟମନ୍ତ୍ରୀ ନବୀନଙ୍କ ଭଉଣୀ ଗୀତା ମେହେଟ୍ଟା ବିଦେଶରେ ରୁହନ୍ତି। ସେ ତାଙ୍କ ଭାଇଙ୍କ ପାଖକୁ ଆସିଛନ୍ତି। ଭାଇ ନବୀନ ନିଜ ସରକାରଙ୍କ ପଞ୍ଜିକରଣ ପୋର୍ଟାଲରେ ଭଉଣୀର ଟ୍ରାଭେଲ ବିବରଣୀ ପ୍ରଦାନ କରି ଏକ ଭଲ ବାର୍ତ୍ତା ଦେଇଛନ୍ତି।
ଭଉଣୀ ଗୀତା ମେହେଟ୍ଟା ବିଦେଶରୁ ଫେରିଥିବା ବେଳେ କୋରୋନାଠୁ ସତର୍କତା ପାଇଁ ପଞ୍ଜିକରଣ କରାଇଥିବା ନିଜେ ଟ୍ବିଟ କରି ଜଣାଇଛନ୍ତି ନବୀନ ପଟ୍ଟନାୟକ। ମୁଖ୍ୟମନ୍ତ୍ରୀ ସବୁବେଳେ ଅପିଲ କରି ଆସୁଛନ୍ତି କି ଯେଉଁମାନେ ବାହାରୁ ଓଡିଶାକୁ ଆସୁଛନ୍ତି ତାଙ୍କ ସବିଶେଷ ତଥ୍ୟ ଅନଲାଇନରେ ପଞ୍ଜିକାରଣ କରାନ୍ତୁ। ପୂର୍ବରୁ ଗଜପତି ମହାରାଜ, କ୍ରୀଡା ନିର୍ଦ୍ଦେଶକ, ଯୋଜନା ବୋର୍ଡ ଉପାଧ୍ୟକ୍ଷ ପ୍ରମୁଖ ଏହି ପଞ୍ଜିକରଣ କରିସାରିଛନ୍ତି।
