ବ୍ଲକ ସ୍ତରୀୟ ଯୁବ ସଂସଦ ଓ ଯୋଗାଭ୍ୟାସ କାର୍ଯ୍ୟକ୍ରମ

ବୈପାରିଗୁଡା , ୨୦/୬ (ସନ୍ଧାନ ନିୟୁଜ) କୋରାପୁଟ ଜିଲ୍ଲା ବୈପାରିଗୁଡା ବ୍ଲକ ଅନ୍ତର୍ଗତ ମେଡିକାଲ ସମ୍ମୁଖରେ ଥିବା ଏକ ଗୃହ ଠାରେ ଫ୍ରେଣ୍ଡସ ୟୁନିଟ କ୍ଳବ ବୈପାରିଗୁଡା ଏବଂ ବୁଢ଼ୀ ଠାକୁରାଣୀ ଯୁବକ ସଙ୍ଘ ଗୁମ୍ମା ପକ୍ଷରୁ ବ୍ଲକ ସ୍ତରୀୟ ପଡ଼ୋଶୀ ଯୁବ ସଂସଦ ଓ ଯୋଗାଭ୍ୟାସ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି ।ଉକ୍ତ କାର୍ଯ୍ୟକ୍ରମରେ ବୈପାରିଗୁଡା ପଞ୍ଚାୟତ ସମିତି ଅଧ୍ୟକ୍ଷା ଶ୍ରୀମତୀ ସରୋଜିନୀ କାଣ୍ଡିକି ଯୋଗ ଦେଇଥିବା ବେଳେ ସମ୍ମାନୀୟ ଅତିଥି ଭାବେ ଡାକ୍ତର ବିଶ୍ୱଜିତ ଭୂୟାଁ, ବନାଞ୍ଚଳ ଅଧିକାରୀ ଶ୍ରୀଯୁକ୍ତ ରମେଶ ଚନ୍ଦ୍ର ରାଉତ,ଇନ୍ସପେକ୍ଟର ବିଏସଫ JR ସିଂ ଯୋଗ ଦେଇଥିଲେ ।ଉକ୍ତ କାର୍ଯ୍ୟକ୍ରମରେ ୫୦ଜଣ ଯୁବ ଗୋଷ୍ଠିଙ୍କୁ ଯୋଗ ଉପରେ ଶିକ୍ଷା ଦିଆଯାଇଥିବା ବେଳେ ବୈପାରିଗୁଡା ର ମଧୁସୂଦନ ରାଉତ ଙ୍କୁ ପ୍ରକୃତି ବନ୍ଧୁ ପାଇଁ ସମ୍ମାନିତ କରାଯାଇଥିଲା ।ଏହି କାର୍ଯ୍ୟକ୍ରମ ରେ ଡାକ୍ତର ବିଶ୍ୱଜିତ ଭୂୟାଁ ଯୋଗ କରିବା ସ୍ୱାସ୍ଥ୍ୟ ପ୍ରତି ଲାଭଦାୟକ ବୋଲି ବୁଝାଇଥିଲେ ।ଉକ୍ତ କାର୍ଯ୍ୟକ୍ରମକୁ କେଶବ ଖିଲ, ଭୀମସେନ ହରିଜନ,ରବି ସଗରିଆ, ମନ୍ଦାକିନୀ ପାଇକ ପ୍ରମୁଖ ସହଯୋଗ କରିଥିଲେ ।