ଜୟପୁର,20/09/2021 (ସନ୍ଧାନ ନିଉଜ) ରାଜ୍ୟରେ ଥମିବାର ନାଁ ନେଉନାହିଁ ବ୍ରାଉନସୁଗାର କାରବାର । ପ୍ରତିଦିନ ରାଜ୍ୟର ବିଭିନ୍ନ ସ୍ଥାନରୁ ପୁଳା ପୁଳା ବ୍ରାଉନସୁଗାର ଜବତ ହେଉଛି । ତେବେ ବ୍ରାଉନସୁଗାର ବିକ୍ରି କରିବା ଅଭିଯୋଗରେ ୩ ଜଣ ଯୁବକ ଗିରଫ ହୋଇଛନ୍ତି । ଜୟପୁର ଟାଉନ ପୋଲିସ ସମସ୍ତ ୩ ଯୁବକଙ୍କୁ ଗିରଫ କରିଛି । ସେମାନଙ୍କ ନିକଟରୁ ୨.୭୧ ଗ୍ରାମ ବ୍ରାୁନସୁଗାର ଜବତ ହୋଇଛି ।
ତେବେ ସେମାନଙ୍କର ଚୋରା କାରବାରରେ ଲିଙ୍କ ଥିବା ନେଇ ପୋଲିସ ଛାନଭିନ୍ କରୁଛି । ଜବତ ହୋଇଥିବା ବ୍ରାଉନସୁଗାରର ଆନୁମାନିକ ମୂଲ୍ୟ ୧୧ ହଜାର ଟହ୍କା ହେବ । ସେମାନଙ୍କ ଠାରୁ ୨ଟି ମୋଟର ସାଇକେଲ, ୩ଟି ମୋବାଇଲ ଓ ନଗଦ ୧୪୦୦ ଟଙ୍କା ପୋଲିସ ଜବତ କରିଛି । ତେବେ ଅଭିଯୁକ୍ତମାନେ ଯୁବ ଗୋଷ୍ଠୀର ଏକ ଉଚ୍ଚ ଶିକ୍ଷିତ ବୋଲି ଜଣାପଡିଛି ।
ଆଇଟିଆର ଛାତ୍ର ଓ ଇଞ୍ଜିନିୟକ ଛାତ୍ର ମଧ୍ୟ ଏଥିରେ ସାମିଲ ରହିଛନ୍ତି । ପ୍ରଥମ ଥର ପାଇଁ ଜୟପୁର ସହରରୁ ବ୍ରାଉନସୁଗାର ଜବତ ହୋଇଥିବାରୁ ଏହି କାରବାର ସହ କିଏ କିଏ ଜଡିତ ରହିଛନ୍ତି । ସେନେଇ ପୋଲିସ ଅଧିକ ତଦନ୍ତ କରୁଥିବା ଜୟପୁର ଟାଉନ ଥାନା ଅଧିକାରୀ କହିଛନ୍ତି ।
