ବୈପାରିଗୁଡା,୬/୫ (ସନ୍ଧାନ ନିୟୁଜ) – କୋରାପୁଟ ଜିଲ୍ଲାର ବୈପାରୀଗୁଡା ଥାନା ଅନ୍ତର୍ଗତ ମାଠପଡା ପଞ୍ଚାୟତର ବେନ୍ଦ୍ରାଗୁଡା ଛକ ନିକଟରେ ଏକ ବୋଲେରୋ ସହ ବାଇକ ଦୁର୍ଘଟଣାରେ ବାଇକ ଆରୋହୀ ଗୁରୁତର ହୋଇଥିବା ଜଣାପଡିଛି ।ବାଇକ ଆରୋହୀ ଉକ୍ତ ପଞ୍ଚାୟତର ଝିଲିମିଲିଗୁଡା ର ଅଦିଆ ପାଙ୍ଗି ଙ୍କ ପୁଅ ଧନୁ ପାଙ୍ଗି ବୋଲି ଜଣାପଡିଛି |ଖବର ରୁ ପ୍ରକାଶ ଯେ, ଗୁପ୍ତେଶ୍ଵର ରୁ ଜୟପୁର ଅଭିମୁଖେ ଯାଉଥିବା ଓଡ଼ି ୨୪ଏ ୩୦୯୩ ନମ୍ବର ବୋଲେରୋ ସହ ବିପରୀତ ଦିଗରୁ ଏକ ବାଇକ ଓଡ଼ି ୧୦କେ ୩୯୬୫ ନମ୍ବର ବୋଲେରୋ ସହ ଧକ୍କା ହୋଇ ବାଇକ ଆରୋହି ଗୁରୁତର ହୋଇପଡିଥିଲେ ।ବାଇକ ଆରୋହୀଙ୍କୁ ବୈପାରିଗୁଡା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ରେ ପ୍ରାଥମିକ ଚିକିତ୍ସା କରିବା ପରେ ଜୟପୁର ଉପଖଣ୍ଡ ଡାକ୍ତର ଖାନା କୁ ସ୍ଥାନାନ୍ତରିତ କରିଥିବା ଜଣାପଡ଼ିଛି ।ଘଟଣା ସ୍ଥଳରେ ବୈପାରିଗୁଡା ପୋଲିସ ଏଏସଆଇ ଗୋପାଳ ବରାଡ଼ ପହଞ୍ଚି ଘଟଣା ତଦନ୍ତ କରୁଥିବା ଜଣାପଡ଼ିଛି ।
ରିପୋର୍ଟ – ସରୋଜ କୁମାର ଲେଙ୍କା ।
