ବାଘ ଛାଲ ଜବତ, ୪ ଗିରଫ

ବାରିପଦା ୧୪/୦୫ (ସନ୍ଧାନ ନିଉଜ): ମୟୁରଭଞ୍ଜ ଜିଲ୍ଲା ଯଶୀପୁର ଡେପୁଟି ଡ଼ାଇରେକ୍ଟର କପିଳ ଦାସଙ୍କ ଉଦ୍ୟମରେ ଟଙ୍ଗାବିଲା ନିକଟରେ ଏକ ଶିକାରୀ ରାକେଟକୁ ବନବିଭାଗ ଧରିଛି। ବାଘ ଚମଡା ଜବତ କରିବା ସହିତ ୪ ଜଣଙ୍କୁ ଗିରଫ କରାଯାଇଛି। ଧରାପଡିଥିବା ବ୍ୟକ୍ତିମାନେ ହେଲେ କରଞ୍ଜିଆ ଅଞ୍ଚଳର ସୁବାଷ ସାହୁ, କ୍ଷୀରୋଦ ମହାନ୍ତ ଓ ରଣଜିତ ନାଏକ। ଚତୁର୍ଥ ଗିରଫ ବ୍ୟକ୍ତି ଜଣକ ଗଣେଶ୍ୱର ସିଂ। ସେ ଠାକୁରମୁଣ୍ଡା ଡାକ୍ତରଖାନାରେ ସୁଇପର ଭାବେ କାର୍ଯ୍ୟ କରନ୍ତି। ଗଣେଶ୍ୱର ସହିତ ରସମତଳା ଓ କରଞ୍ଜିଆ ବଜାର ତିନି ଜଣ ସାମିଲ ଥିବାର ବନବିଭାଗ କର୍ମଚାରୀ ପ୍ରକାଶ କରିଛନ୍ତି। ଉଦ୍ଧାର ବାଘ ଚମଡାକୁ ଦେଖିଲା ପରେ ବନ ବିଭାଗ କର୍ମଚାରୀ ଅନୁମାନ କରୁଛି ଏହା ଦୁଇବର୍ଷ ପୂର୍ବରୁ ହତ୍ୟା କରାଯାଇଥିବା ବାଘର। ଶିମିଳିପାଳ ଅଞ୍ଚଳରେ ହତ୍ୟା କରାଯାଇଛି।