ଯାଜପୁର,୭/୬(ସନ୍ଧାନ ନିୟୁଜ୍/ମାନସ ରାଉତ) ରସୁଲପୁର ବ୍ଲକ ଅନ୍ତର୍ଗତ ୧୬ନଂ ଜାତୀୟରାଜପଥ ଉପରେ ବାରବାଟୀ ପଂଚାୟତ ସ୍ଥିତ ଦୁର୍ଗାଦେବୀ ମନ୍ଦିର ସମ୍ମୁଖରେ ଆଜି ଅପରାହ୍ନ ସାଢେ୪ଟା ସମୟରେ ଏକ ଆଇଚର ଟ୍ରକ ବାଇକ ପଛକୁ ଧକ୍କା ଦେଇଥିଲା । ଫଳରେ ବାଇକ ଆରୋହୀ ସ୍ୱାମୀ,ସ୍ତ୍ରୀ ଦୁହେଁ ଗୁରୁତର ଆହତ ହୋଇପଡିଥିଲେ । ଆହତକମାନେ ହେଲେ ଜେନାପୁର ଥାନା ରାଇଛନ୍ଦା ଗ୍ରାମର ତ୍ରିଲୋଚନା ରାଉତ(୪୮) ତାଙ୍କ ପତ୍ନି ଲୋପାମୁଦ୍ର ରାଉତ(୪୨) । ସେମାନଙ୍କୁ ୧୦୮ ଆମ୍ବୁଲାନ୍ସ ସହାୟତାରେ ଧର୍ମଶାଳା ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିଲା । ଧର୍ମଶାଳାରେ ଚିକିତ୍ସାଧିନ ଅବସ୍ଥାରେ ସ୍ତ୍ରୀର ମୃତୁ୍ୟ ହୋଇଥିଲା । ସ୍ୱାମୀକୁ କଟକ ବଡ ଡାକ୍ତରଖାନାକୁ ସ୍ଥାନାନ୍ତର କରାଯାଇଛି ।
ଘଟଣାରୁ ପ୍ରକାଶ ଉଭୟ ସ୍ୱାମୀ, ସ୍ତ୍ରୀ ହିରୋ ସୁପର ସ୍ଲେଣ୍ଡର ବାଇକରେ କୁଆଖିଆରୁ ଜାରକା ଅଭିମୃୂଖେ ଯାଉଥିଲେ । ଦୁର୍ଗାଦେବୀ ମନ୍ଦିର ସମ୍ମୁଖରେ ଏକ ଆଇଚର ଗାଡି ବାଇକ ପଛରୁ ଧକ୍କାଦେଇ ଫେରାର ହୋଇଯାଇଥିଲା । ଦୁର୍ଘଟଣା ସ୍ଥଳରେ ବାଇକ ଆରୋହୀ ଦ୍ୱୟ ରାସ୍ତା ଉପରେ ଛିଟିକି ପଡିଥିଲେ । ସ୍ଥାନୀୟ ଲୋକେ ଦୁର୍ଘଟଣାସ୍ଥଳରେ ପହଁଚି ଆହତ ବ୍ୟକ୍ତିଙ୍କୁ ଉଦ୍ଧାର କରିଥିଲେ । ଆମ୍ବୁଲାନ୍ସକୁ ଖବର ଦେଇଥିଲେ । ୧୦୮ ଆମ୍ବୁଲାନ୍ସ ଘଟଣାସ୍ଥଳରେ ବିଳମ୍ବରେ ପହଁଚି ଥିôଲା । ଫଳରେ ଘଟଣା ସ୍ଥଳରେ ଉତ୍ତେଜାନ ପ୍ରକାଶ ପାଇଥିଲା । ଲୋକେ ହୋ-ହଲ୍ଲା କରି ରାଜରାସ୍ତା ଅବରୋଧ କରିଥିଲେ । ଜାତୀୟ ରାଜପଥରେ ପ୍ରାୟତଃ ୧ଘଂଟା କାଳ ଗାଡି ଚଳାଚଳରେ ବ୍ୟାଘାତ ସୃଷ୍ଟି ହୋଇଥିଲା । ପରେ ଆମ୍ବୁଲାନ୍ସ ଘଟଣାସ୍ଥଳରେ ପହଁଚି ଆହତ ଦ୍ୱୟଙ୍କୁ ଡାକ୍ତରଖାନାକୁ ସ୍ଥାନାନ୍ତର କରିଥିଲା । ଉତ୍ତେଜାନ ପ୍ରଶମିତ ହୋଇଥିଲା ।
