ବରୀରେ ବ୍ଲକ ସ୍ତରୀୟ କଂଗ୍ରେସ କର୍ମୀ ସମ୍ମିଳନୀ ଅନୁଷ୍ଠିତ 

ବରୀ, ୧୬/୨/୨୬ (ସନ୍ଧାନ ନ୍ୟୁଜ)  : ବରୀ ବ୍ଲକ କଂଗ୍ରେସ ପକ୍ଷରୁ ବରୀ ମାଉଣ୍ଡ ସ୍ଥିତ ଶକ୍ତି ପୀଠରେ ବ୍ଲକ ସ୍ତରୀୟ କର୍ମୀ ସମ୍ମିଳନୀ ଅନୁଷ୍ଠିତ ହୋଇଯାଇଛି। ଉକ୍ତ କର୍ମୀ ସମ୍ମିଳନୀରେ ବରୀ ବ୍ଲକର ନବ ନିର୍ବାଚିତ କଂଗ୍ରେସ ସଭାପତି ସମୀର ନାୟକ ସଭାପତିତ୍ବ କରିଥିବା ବେଳେ ଯୁବ ନେତା ଅପୂର୍ବ ସାମଲ ସଭା ପରିଚାଳନା କରିଥିଲେ। ଏହି କାର୍ଯ୍ୟକ୍ରମରେ ପୂର୍ବତନ ବିଧାୟକ ତଥା ବରିଷ୍ଠ କଂଗ୍ରେସ ନେତା ଦେବାଶିଷ ନାୟକ ଯୋଗ ଦେଇ ବର୍ତ୍ତମାନର ସରକାରର ତ୍ରୁଟି ପୂର୍ଣ୍ଣ ନିଷ୍ପତି, ଜନ ବିରୋଧି କାର୍ଯ୍ୟକ୍ରମ ଏବଂ କୃଷକ ମାରଣ ନୀତି ଯୋଗୁ କେବଳ ବରୀ ଅଞ୍ଚଳ ନୁହେଁ ସାରା ଭାରତ ବର୍ଷରେ ଲୋକମାନେ ଅତିଷ୍ଠ ହେଲେଣି। ଆଗାମୀ ଦିନରେ କଂଗ୍ରେସ ଦଳର କର୍ମୀ ମାନେ ଏକଜୁଟ ହୋଇ କିଭଳି ଭାବରେ ଦଳ କ୍ଷମତାକୁ ଆସିବ ସେ କ୍ଷେତ୍ରରେ ତୃଣମୂଳ ସ୍ତରର କର୍ମୀ ମାନେ ଏକଜୁଟ ହୋଇ ଦଳର ସଂଗଠନକୁ ମଜବୁତ୍ କରାଯିବ ବୋଲି ମତ ରଖିଥିଲେ। ବ୍ଲକ କଂଗ୍ରେସ ସଭାପତିଙ୍କ ସମେତ ଉପସ୍ଥିତ କର୍ମୀ ମାନେ ପୂର୍ବତନ ମନ୍ତ୍ରୀ ସ୍ବର୍ଗତ କାହ୍ନୁ ଚରଣ ଲେଙ୍କାଙ୍କ ଉଦ୍ଦେଶ୍ୟରେ ଦୁଇ ମିନିଟ ନୀରବ ପ୍ରାର୍ଥନା କରିବା ସହିତ ତାଙ୍କର ଅମର ଆତ୍ମାର ସଦ୍ଗତୀ କାମନା କରିଥିଲେ। କାର୍ଯ୍ୟକ୍ରମରେ ବ୍ଲକ କଂଗ୍ରେସ ସଭାପତି ସମୀର ନାୟକ ଯୋଗଦେଇ ଆଗାମୀ ଦିନରେ ବରୀ ବ୍ଲକର ପଞ୍ଚାୟତ ସ୍ତରୀୟ ସମସ୍ତ ଦଳୀୟ କର୍ମୀ ମାନେ ଏକଜୁଟ ହୋଇ କାର୍ଯ୍ୟ କରିବା ସହିତ ପଞ୍ଚାୟତ ସମିତି ଦଖଲ କରିବାକୁ ଦଳ ତରଫରୁ ସ୍ଵତନ୍ତ୍ର ଯୋଜନା କରାଯାଉଛି ବୋଲି ପ୍ରକାଶ କରିଥିଲେ। ଉକ୍ତ କର୍ମୀ ସମ୍ମିଳନୀରେ ପୂର୍ବତନ ଜିଲ୍ଲାପରିଷଦ ସଭ୍ୟ ଗଣେଶ୍ୱର ଦାସ, ରବୀନ୍ଦ୍ର ମଲିକ, ଦେବେନ୍ଦ୍ର ଦାସ, କୁଳମଣି ନାୟକ, ନାରୀ ନେତ୍ରୀ କଳ୍ପନା ପଣ୍ଡା, ମାନସ ସାହୁ, ସୁବାସ ସେଠି, ସରତ ଜେନାଙ୍କ ସମେତ ବହୁ କଂଗ୍ରେସ କର୍ମୀ ଉପସ୍ଥିତ ଥିଲେ ।