ଚଣ୍ଡିଖୋଲ, ୨୩/୦୩ (ସନ୍ଧାନ ନିୟୁଜ/ମାନସ ରାଉତ): ଧର୍ମଶାଳା ବ୍ଲକ ଅନ୍ତର୍ଗତ ପଟୁଣିଆ ପଂଚାୟତ ବଡନଛିପୁର ଗ୍ରାମରେ ବଡଚଣା ପୋଲିସ ତରଫରୁ କରୋନା ସଚେତନତା ଶିବିର ଯୁବ କ୍ରୀଡାବିତ୍ ତଥା ନୂଆ ଆଲୋକର ସମାଜିକ କର୍ମୀ ସଘମିତ୍ର ଦଳାଇଙ୍କ ସଂଯୋଜନାରେ ଅନୁଷ୍ଠିତ ହୋଇଯାଇଛି । ବଡଚଣା ଥାନା ଅଧିକାରୀ ଦୀପକ କୁମାର ଜେନା, ଏଏସଆଇ ଏ ଖାନ, ଚଣ୍ଡିଖୋଲ ପାଣ୍ଡି ଅଧିକାରୀ ସୁଶିଲ କୁମାର ନାୟକ, ଆଶା କର୍ମୀ ସୁଲେଖା ଦଳାଇ, ଅଙ୍ଗନୱାଡି କର୍ମୀ କାଂଚନ ବାଳା ବ୍ରହ୍ମ, ସାମ୍ବାଦିକ ସୁଶାନ୍ତ ନାୟକ ପ୍ରମୁଖ ଉପସ୍ଥିତ ରହି ପ୍ରତ୍ୟକ ପରିବାରକୁ ଭେଟି କୋରେନା ସମ୍ପର୍କିତ ସଚେତନତା କରିବା ସହିତ ହାତ ବାରମ୍ବାର ଭଲ ଭାବରେ ସଫା କରିବା, ଛିଙ୍କ ହେଲେ ରୁମାଲ ସାହାର୍ଯ୍ୟରେ ଘୋଡାଇବା, ଆଖି, ପାଟି, ନାକ ଆଦିକୁ ନ ଚୁଇଁବା, ଏବଂ ଜ୍ୱର, ଥଣ୍ଡା ହେଲେ ନିଜକୁ ଅଲଗା ରଖିବା ସହିତ ତୁରନ୍ତ ଡାକ୍ତରଙ୍କ ପରାମର୍ଶ ଆଦି ନେବାକୁ ପରାମର୍ଶ ନେବା, ଏପରକି ଗ୍ରାମରେ ଗୋଟିଏ ସ୍ଥାନରେ ଗହଳି ନଲଗାଇବା ପାଇଁ ମଧ୍ୟ ପରାମର୍ଶ ଦିଆଯାଇଥିଲା । ସହିତ ଗ୍ରାମବାସୀଙ୍କ ସାବୁନ, ହସ୍ତବିଶୋଧକ ଏବଂ ମାକ୍ସ ଆଦି ବଂଟନ କରିଥିଲେ । ଏଥିରେ ଗ୍ରାମର ଯୁବଗୋଷ୍ଠୀ ରମ୍ୟ ଲିପ୍ସା ନାୟକ, ଶର୍ମିଷ୍ଠା ଦଳାଇ, ପଜ୍ଞା ଦଳାଇ, ସ୍ମିତା ଦଳାଇ. ସମୀର କୁମାର ଦଳାଇ ପ୍ରମୁଖ ସାମିଲ ହୋଇ ଲୋକମାନଙ୍କୁ ସଚେତନତା କରାଇଥିଲେ ।
