ବଜ୍ରାଘାତରେ ଦୁଇ ଗାଈମୃତ, ଗାଈ ଜଗୁଆଳ ଆହାତ

ଧର୍ମଶାଳା ୧୨ ।୮(ସନ୍ଧାନ ନିୟୁଜ/ମାନସ ରାଉତ): ଧର୍ମଶାଳା ବ୍ଲକ ସମ୍ପାରୁ ପଞ୍ଚାୟତର କୁରିକଣା ଗାଁରେ ବଜ୍ରାଘାତରେ ଦୁଇଟି ଗାଈର ମୃତ୍ୟୁ ହୋଇଥିବା ବେଳେ ଗାଈ ଜଗୁଆଳ ଆହାତ ହୋଇଥିବା ଜଣାପଡ଼ିଛି । ସୋମବାର ଦୁଇଟା ସମୟରେ କୁରିକଣା ଗ୍ରାମର ସୁବାଶ ମଳିକଙ୍କ ପୁଆ ନାରାୟଣ ମଳିକ(୩୨) ଗୋଋଗୋଠ ଧରି ଗୋବରେଶ୍ୱର ପଡିଆକୁ ଚରାଇବାକୁ ନେଇଥିଲେ । ମେଘ ପବନ ଯୋରରେ ଉଠାଇବାରୁ ଗୋଋଗୋଠ ସହ ଫେରୁଥିଲା ବେଳେ ବଜ୍ରାଘାତ ହୋଇଥିଲା । ବଜ୍ରାଘାତରେ ସେହି ଗ୍ରାମର ସୁନାକର ବେହେରା ଓ ମୁରଲୀଧର ସାହୁଙ୍କର ଦୁଇଟି ଗାଈ ମରିଥିବା ବେଳେ ପାଖରେ ଥିବା ନାରାୟଣ ବଜ୍ରାଘାତରେ ଅହାତ ହୋଇ ଘଟଣା ସ୍ଥଳରେ ଅଚେତ ହୋଇପଡିଥିଲେ । ସାଥିରେ ଥିବା ସହେଯାଗୀ ତାଙ୍କୁ ତୁରନ୍ତ ସେଠାରୁ ଉଦ୍ଧାର କରିଥିଲେ । ପରେ ତାଙ୍କୁ ଧର୍ମଶାଳା ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ରକୁ ନିଆ ଯାଇଥିବା ଜଣାଯାଇଛି । ତାଙ୍କର ଗୋଟିଏ ହାତ ଅଚଳ ହୋଇପଡିଛି । ତେବେ ସେ ଅଳ୍ପକେ ମୃତ୍ୟୁମୁଖରୁ ବଞ୍ଚô ଯାଇଛନ୍ତି । ନାରାୟଣ ଜଣେ ଗରିବ ଲୋକ ହୋଇଥିବାରୁ ତାଙ୍କୁ ସରକାରି ସହାୟତା ନିମନ୍ତେ ଦାବି ହୋଇଛି ।