ପ୍ରୟାସ ପକ୍ଷରୁ ରକ୍ତଦାନ ଶିବିର; ୫୦ ୟୁନିଟ୍ ରକ୍ତ ସଂଗ୍ରହ

ଚଣ୍ଡିଖୋଲ,(ସନ୍ଧାନ ନିୟୁଜ) ଚଣ୍ଡିଖୋଲର ଅଗ୍ରଣୀ ସ୍ୱେଚ୍ଛାସେବୀ ଅନୁଷ୍ଠାନ ପ୍ରୟାସ ପକ୍ଷରୁ ସ୍ୱେଚ୍ଛାକୃତ ରକ୍ତଦାନ ଶିବିର ପ୍ରେସ୍ କ୍ଲବ ପରିସରରେ ଅନୁଷ୍ଠିତ ହୋଇଯାଇଛି । ଏହାକୁ ଆନୁଷ୍ଠାନିକ ଭାବେ ଦର୍ପଣ ତହସିଲଦାର ପ୍ରଦୀପ କୁମାର ସେଠୀ ମୁଖ୍ୟ ଅତିଥି ଭାବେ ଯୋଗ ଦେଇ ଉଦ୍‌ଘାଟନ କରିବା ସହିତ ରକ୍ତଦାତା ମାନଙ୍କୁ ଉତ୍ସାହିତ କରିଥିଲେ । ଅନ୍ୟ ଅତିଥିଙ୍କ ମଧ୍ୟରେ ସାମ୍ବାଦିକ ବେଣୁଧର ପଣ୍ଡା, ଶିବରାମ ସାହୁ, ପ୍ରଦୀପ ପୃଷ୍ଟି ପ୍ରମୁଖ ଯୋଗଦେଇଥିଲେ । ଏହି ଶିବିରରେ ୫୦ ୟୁନିଟ୍ ରକ୍ତ ସଂଗ୍ରହ ହୋଇଥିଲା । ଏହାକୁ ପ୍ରୟାସ ପକ୍ଷରୁ ଭାରତ ଭୂଷଣ ପଣ୍ଡା, ଭବତୋଷ ବିଶ୍ୱଳ, ମାନସ କୁମାର ରାଉତ, କିଶୋର କୁମାର ସେଠୀ, ଅନିଲ କୁମାର ସାମନ୍ତରାୟ ସମେତ ଅନ୍ୟ ସଦସ୍ୟ ମାନେ ଏହାକୁ ପରିଚାଳନା କରିଥିଲେ ।