ପ୍ରତିଷ୍ଠା ଦିବସ ପାଳିଲା ପେସା ଗ୍ରାମସଭା

ରାଇରଙ୍ଗପୁର-୯/୧/୨୦୨୨(ସନ୍ଧାନ ନ୍ୟୁଜ୍) ମୟୂରଭଞ୍ଜ ଜିଲ୍ଲା ବହଳଦା ବ୍ଳକ ଅନ୍ତର୍ଗତ ଗିଦିଘାଟୀ ଗ୍ରାମ ପଞ୍ଚାୟତ ଜଜଗୋଡା ଓ ଚାଡ୍ରୀ ଗ୍ରାମ ରେ ଚତୁର୍ଥ ବାର୍ଷିକ ପ୍ରତିଷ୍ଠା ଦିବସ ପାଳିତ ହୋଇଯାଇଛି। ଏହି ଅବସରରେ ମୁଖ୍ୟଅତିଥି ଭାବେ ତାରଣା ମାଝୀବାବା ରାମଚନ୍ଦ୍ର ହେମ୍ବ୍ରମ ଯୋଗ ଦେଇଥିଲେ।ଏବ°ପେସା ଆଇନ ସ°ଯୋଜଗ ପିତାମ୍ବର ମୁର୍ମୁ,ଗ୍ରାମସଭା ସ°ଯୋଜକ ବସନ୍ତ ସାଣ୍ଡିଲ ପ୍ରମୁଖ ଉପସ୍ଥିତ ରହିଥିଲେ। କାର୍ଯ୍ୟକ୍ରମ ରେ ଆଦିବାସୀଙ୍କ ପାରମ୍ପାରିକ ବାଦ୍ୟ ନୃତ୍ୟରେ ଗ୍ରାମ ପୂଜକ ମାନଙ୍କୁ ସ୍ଵାଗତ କରାଯାଇଥିଲା।ଏବ°ପାରମ୍ପାରିକ ରୀତିନୀତି ଅନୁସାରେ ପୂଜା ପାଠ ସମ୍ପନ୍ନ ହୋଇଥିଲା। ସେଠାରେ ଉପସ୍ଥିତ ଥିବା ଗ୍ରାମର ମହିଳା ଏବ°ପୁରୁଷମାନେ ଗ୍ରାମର ମଙ୍ଗଳ କାମନା ମନାସି ଥିଲେ।ଏହାପରେ ଗ୍ରାମରେ ଏକ ସାଧାରଣ ସଭାର ଆୟୋଜିତ ହୋଇଥିଲା। ଏହି ସଭାରେ ଅତିଥିମାନେ ଗ୍ରାମବାସିଙ୍କୁ ସମ୍ବର୍ଦ୍ଧିତ କରିବା ସହିତ ଆଦିବାସୀ ଙ୍କ ବିକାଶ ନିମନ୍ତେ ଉପଦେଶ ଦେଇଥିଲେ।