ପୋଲିସ ଗାଡି ପୋଡି ଘଟଣାର ମାଷ୍ଟର ମାଇଣ୍ଡ ବସନ୍ତରାଜ ସାମଲ ଗିରଫ

ଯାଜପୁର, ୨୦/୦୫ (ସନ୍ଧାନ ନିୟୁଜ) ଭରତପୁର ଗ୍ରାମରେ ଘଟିଥିବା ବହୁ ଚର୍ଚ୍ଚିତ ପୋଲିସ ଗାଡି ପୋଡି ମାମଲାରେଦୀର୍ଘ ଦିନ ଧରି ଫେରାର ହୋଇଥିବା ଶିକ୍ଷକ ବସନ୍ତରାଜ ସାମଲକୁ ଆଜି ପୋଲିସ ଗିରଫ କରିଛି । ସୂଚନା ଥାଉକି ଯାଜପୁର ଜିଲ୍ଲା ବଡଚଣା ବ୍ଲକ ବାଲିଚନ୍ଦ୍ରପୁର ଥାନା ଅଧିନସ୍ଥ ଭରତପୁର ଗ୍ରାମରେ ଗତ ମାର୍ଚ୍ଚ ମାସ ୬ରେ ଅଷ୍ଟ୍ରପହରୀ ଗାଦୀକୁ ନେଇ ଦୁଇଗୋଷ୍ଠୀ ମଧ୍ୟରେ ଗଣ୍ଡୋଗୋଳ ଘଟି ମାଡପିଟ ହୋଇଥିଲେ । ଖବର ପାଇ ପୋଲିସ ପଂହଚିଥିବା ବେଳେ ଉତ୍ୟକ ଲୋକେ ଦୁଇଟି ପୋଲିସ ଭ୍ୟାନ ଜାଳିଦେଇଥିଲେ । ଏହି ଘଟଣାର ଅନ୍ୟତମ ମାଷ୍ଟର ମାଇଣ୍ଡ ବସନ୍ତ ରାଜ ସାମଲ ଦୀର୍ଘ ଦିନରୁ ଫେରାର ରହିଥିଲା । ଏପରକି ଉଚ୍ଚନ୍ୟାୟରୁ ବେଲ ପାଇ ତାହାକୁ ଚଣ୍ଡିଖୋଲ କୋର୍ଟରେ ଦେବା ପାଇଁ ବହୁବାର ପ୍ରୟାସ କରିଥିଲା । ହେଲେ ପୋଲିସ ସବୁବେଳେ କୋର୍ଟ ପାଖରେ ଜଗି ରହି ତାହାର ବେଲ ଆବେଦନକୁ କୋର୍ଟକୁ ଦେବାରେ ବାଧା ଦେଇଥିଲା । ଯାହା ଫଳରେ କୋର୍ଟରେ ବେଲ ଦାଖଲ ହୋଇପାରିନଥିଲା । ଫଳରେ ବାଧ୍ୟ ହୋଇ ଆଜି ଯାଜପୁର ଏସପିଙ୍କ ନିକଟରେ ଆତ୍ମସର୍ମପଣ କରିଥିଲା । ଏହା ପରେ ପୋଲିସ ତାକୁ କରୋନା ପରୀକ୍ଷା କରାଇ କୋର୍ଟ ଚାଲାଣ କରିଥିଲା । କୋର୍ଟ ତାକୁ ୧୪ଦିନ ପାଇଁ ହାଜତକୁ ପଠାଇଥିବା ସୂଚନା ମିଳିଛି ।