ପୋଲିସଙ୍କୁ ସପ୍ତାହରେ ଗୋଟିଏ ଦିନ ଛୁଟି

ଭୁବନେଶ୍ୱର,୩୦ /୦୩ (ସନ୍ଧାନ ନିୟୁଜ): ଲକଡାଉନ୍ ସମୟରେ ବିଭିନ୍ନ ସହର ଓ ସଡ଼କରେ ପୋଲିସ କର୍ମଚାରୀ ନିଯୁକ୍ତ ହୋଇଛନ୍ତି। ସେମାନଙ୍କ ଉପରେ ଯେପରି କାର୍ଯ୍ୟର ମାତ୍ରାଧିକ ଚାପ ନପଡ଼େ ତାହାକୁ ଗୁରୁତ୍ୱ ଦିଆଯାଇଛି। ସପ୍ତାହରେ ଗୋଟିଏ ଦିନ ବିଶ୍ରାମ ପାଇଁ ଗାଇଡ୍‌ଲାଇନ୍ ଜାରି ହୋଇଛି। ପୋଲିସ କର୍ମଚାରୀମାନେ ଦିନକୁ ୮ ଘଣ୍ଟାରୁ ଯେପରି ଅଧିକ ସମୟ ଡ୍ୟୁଟି ନକରନ୍ତି ସେଥିପ୍ରତି ଦୃଷ୍ଟି ଦେବାକୁ ଓଡ଼ିଶା ପୋଲିସ୍ ମୁଖ୍ୟାଳୟ ପକ୍ଷରୁ ଆଡଭାଇଜରି ଜାରି କରାଯାଇଛି। ପୋଲିସ ଡିଜି ଅଭୟ ସମସ୍ତ ଜିଲ୍ଲାର ଏସ୍ ପି ଓ ଡିସିପିଙ୍କ ସହ ଭିଡିଓ କନଫରେନ୍ସିଂ ଜରିଆରେ ଆଲୋଚନା କରିବା ପରେ ଏହି ଆଡଭାଇଜରି ଜାରି କରାଯାଇଥିବା ବେଳେ କିଛି ଜିଲ୍ଲାରେ ଏହି ନିୟମ କାର୍ଯ୍ୟକାରୀ ହୋଇଥିବା ସୂଚନା ମିଳିଛି।