ପୁରୀ ଜମି ଅଧିଗ୍ରହଣ ପାଇଁ ବିଜ୍ଞପ୍ତି ପ୍ରକାଶ

ପୁରୀ, ୨୫/୯ (ସନ୍ଧାନ ନିଉଜ) : ଶ୍ରୀ କ୍ଷେତ୍ର ପୁରୀ ମେଘନାଦ ପାଚେରେ ସଂଲଗ୍ନ ୭୫ ମିଟର ଜମି ଅଧିଗ୍ରହଣ ପ୍ରସଙ୍ଗରେ ରାଜସ୍ୱ ଓ ବିପର୍ଯ୍ୟୟ ପରିଚାଳନା ବିଭାଗ ପକ୍ଷରୁ ବିଜ୍ଞପ୍ତି ଜାରି କରାଯାଇଛି। ୭୫ ମିଟର ପରିଧିରେ ଆସୁଥିବା ସମସ୍ତ ଜମି ଅଧିଗ୍ରହଣ ପାଇଁ ବିଜ୍ଞପ୍ତି ଜାରି ରହିଥିବା ବେଳେ ପ୍ରଶାସନିକ ମାପଚୁପ ଆଧାରରେ ୫ଟି ଗ୍ରାମର ଜମି ଅଧିଗ୍ରହଣ ଏବଂ ପୁନର୍ବାସ ଓ ଥଇଥାନ ଧାରା-୪ ଅନୁସାରେ ଜମି ଅଧିଗ୍ରହଣ କରାଯିବା ନେଇ ନିଷ୍ପତ୍ତି ହୋଇଛି। ୫ ଟି ମୌଜାର ସରକାରୀ ଓ ବେସରକାରୀ ଜମିର ମାପଚୁପ ହୋଇଥିଲା ବେଳେ ଏକ ମାସ ମଧ୍ୟରେ ଅଧିଗ୍ରହଣ ସର୍ବେକ୍ଷଣ କାର୍ଯ୍ୟ ଶେଷ ହେବ ବୋଲି ସୂଚନା ମିଳିଛି।