ନୂଆଦିଲ୍ଲୀ , ୭/୩/୨୦ (ସନ୍ଧାନ ନିଉଜ) : ଦେଶରେ କରୋନା ଭାଇରସ ନ ବ୍ୟାପିବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଶନିବାର ସମୀକ୍ଷା କରିଛନ୍ତି। ସ୍ୱାସ୍ଥ୍ୟ ମନ୍ତ୍ରଣାଳୟ କ’ଣ କ’ଣ ପଦକ୍ଷେପ ଗ୍ରହଣ କରିଛନ୍ତି, ରୋଗୀମାନଙ୍କୁ ଚିହ୍ନଟ କରିବା ସହ ସେମାନଙ୍କର ଏକାନ୍ତ ବାସ (ଅଲଗା ରଖିବା) ପାଇଁ ପର୍ଯ୍ୟାପ୍ତ ସ୍ଥାନ ଚିହ୍ନଟ କରିବା ଏବଂ ଏହି ରୋଗର ବିଶେଷ ଚିକିତ୍ସା ବ୍ୟବସ୍ଥା କରିବା ଉପରେ ଏହି ସମୀକ୍ଷା ବୈଠକରେ ଅଧିକାରୀମାନଙ୍କ ପ୍ରଧାନମନ୍ତ୍ରୀଙ୍କ ଆଲୋଚନା କରିଥିଲେ।
COVID-19 ର ସମଗ୍ର ବିଶ୍ୱରୁ ପରିଚାଳନା ପାଇଁ ସର୍ବୋତ୍ତମ ଅଭ୍ୟାସ ଚିହ୍ନଟ କରିବାକୁ ପ୍ରଧାନମନ୍ତ୍ରୀ ସେମାନଙ୍କୁ ନିର୍ଦ୍ଦେଶ ଦେଇଛନ୍ତି।
ପରିସ୍ଥିତିର ସମୀକ୍ଷା କରିବା ପରେ ପ୍ରଧାନମନ୍ତ୍ରୀ କହିଛନ୍ତି ଯେ ସମସ୍ତ ବିଭାଗ ଏବଂ ସଂପୃକ୍ତ ମନ୍ତ୍ରଣାଳୟ ଏକତ୍ରିତ ହେବା ଉଚିତ୍ ଏବଂ ଏହି ରୋଗ ବିଷୟରେ ସମାଜରେ ସଚେତନତା ସୃଷ୍ଟି କରିବା ପାଇଁ ପଦକ୍ଷେପ ନିଆଯିବା ପାଇଁ ଆବଶ୍ୟକ ପଦକ୍ଷେପ ନିଆଯିବ।
ଭାରତରେ ପୁଣି ୩ ନୂଆ କରୋନା ସଂକ୍ରମିତ ରୋଗୀ ଚିହ୍ନଟ ହୋଇଛନ୍ତି। ଦେଶରେ ରୋଗୀଙ୍କ ସଂଖ୍ୟା ୩୪ କୁ ବୃଦ୍ଧି ପାଇଛି। ଶନିବାର ଦିନ ଦୁଇଜଣ ଲାଦାଖ ଏବଂ ଜଣେ ତାମିଲନାଡୁରେ କରୋନା ଜୀବାଣୁ ସଂକ୍ରମିତ ରୋଗୀ ଚିହ୍ନଟ ହୋଇଛନ୍ତି। ଚୀନରେ ମହାମାରୀ ରୂପ ଧାରଣ କରିଥିବା କରୋନା ଭାଇରସ୍ ଭାରତରେ ହଇଚଇ ସୃଷ୍ଟି କରିବା ଆରମ୍ଭ କରିଛି। ଓମାନରୁ ଫେରିଥିବା ତାମିଲନାଡୁର ଜଣେ ବ୍ୟକ୍ତି କରୋନା ଜୀବାଣୁ ସଂକ୍ରମିତ ହୋଇଥିବା ଜଣାପଡିଛି। ଏହା ବ୍ୟତୀତ ଇରାନରୁ ଲାଦାଖକୁ ଫେରିଥିବା ଦୁଇଜଣ ବ୍ୟକ୍ତି ମଧ୍ୟ କରୋନା ଜୀବାଣୁ ସଂକ୍ରମିତ ହୋଇଥିବା ଜଣାପଡିଛି।
ଏହି ଗୁରୁତ୍ୱପୂର୍ଣ୍ଣ ବୈଠକରେ କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ଡାକ୍ତର ହର୍ଷ ବର୍ଦ୍ଧନ, ବୈଦେଶିକ ବ୍ୟାପାର ମନ୍ତ୍ରୀ ଏସ ଜୟଶଙ୍କର, ସ୍ୱାସ୍ଥ୍ୟମନ୍ତ୍ରୀ ଅଶ୍ୱିନୀ କୁମାର ଚୌବେ, କ୍ୟାବିନେଟ ସଚିବ ରାଜୀବ ଗୁଆବା, ନୀତି ଆୟୋଗର ସଦସ୍ୟ, ବିନୋଦ କେ ପାଲ, ପ୍ରତିରକ୍ଷାସେବା ମୁଖ୍ୟ ଜେନେରାଲ ବିପିନ ରାୱତ ଯୋଗ ଦେଇଥିଲେ। ଏତଦ୍ ବ୍ୟତୀତ ଏହି ବୈଠକରେ ସ୍ୱାସ୍ଥ୍ୟ, ଫାର୍ମା, ବେସାମରିକ ବିମାନ ଚଳାଚଳ, ବୈଦେଶିକ ବ୍ୟାପାର, ସ୍ୱାସ୍ଥ୍ୟ ଅନୁସନ୍ଧାନ, ଗୃହ, ପରିବହନ, ଏନଡିଏମଏ ଏବଂ ଅନ୍ୟାନ୍ୟ ଅଧିକାରୀମାନେ ମଧ୍ୟ ଉପସ୍ଥିତ ଥିଲେ।
