ଭଦ୍ରକ, ୦୨/୦୬/୨୦୨୧ (ସନ୍ଧାନ ନିଉଜ) – ଏହି ଜିଲାର ଭଣ୍ଡାରିପୋଖରୀ ଥାନା ଅନ୍ତର୍ଗତ ବୟାବନାପୁର ଗ୍ରାମ ହଳଦୀଗଡିଆ ସାହିର ଏକ ପରିତ୍ୟକ୍ତ ପୋଖରୀରେ ପଡିଥିବା ନବଜାତକ ଶିଶୁପୁତ୍ରର ଶବକୁ ପୁଲିସ ଆଜି ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇଥିବା ଜଣାଯାଇଛି । ସକାଳେ ଗ୍ରାମର ରମେଶ ଖଣ୍ଡେଇଙ୍କ ପରିତ୍ୟକ୍ତ ‘ପତାଙ୍ଗି’ ପୋଖରୀ କୁ ଲୋକେ ଶୌଚ ପାଇଁ ଯାଇଥିବା ବେଳେ ନାଭି ନାଡ ଲାଗିଥିବା ନବଜାତ ଶିଶୁର ମୃତ ଦେହ ଭାସୁଥିବା ଦେଖିଥିଲେ । ଶବ ଫୁଲିଯାଇଥିଲା ଓ ଏହା ପ୍ରାୟ ଦୁଇ ତିନି ଦିନ ପୂର୍ବରୁ ପୋଖରୀକୁ ଫିଙ୍ଗାଯାଇଛି ବୋଲି ଲୋକେ ଅନୁମାନ ଲଗାଇଥିଲେ । ଏ ସମ୍ପର୍କରେ ଥାନାକୁ ସୂଚନା ଦିଆଯାଇଥିଲା । ସ୍ଥାନୀୟ ସରପଞ୍ଚ ପ୍ରଶାନ୍ତ କୁମାର ସାହୁଙ୍କ ଅଭିଯୋଗ କ୍ରମେ ଥାନାରେ ଅପମୃତ୍ୟୁ ମାମଲା ଋଜୁ କରାଯାଇ ଶବ ଉଦ୍ଧାର କରାଯାଇଥିଲା । ବ୍ୟବଚ୍ଛେଦ ପାଇଁ ଶବକୁ ଭଦ୍ରକ ପଠାଯାଇଛି । ଏହା କୌଣସି ଅବୈଧ ସନ୍ତାନର ଶବ ହୋଇଥାଇପାରେ ବୋଲି ଗ୍ରାମବାସୀମାନେ ଅନୁମାନ କରିଛନ୍ତି ।
ପରିତ୍ୟକ୍ତ ପୋଖରୀରେ ନବଜାତ ଶିଶୁର ଶବ; ବ୍ୟବଚ୍ଛେଦ ପାଇଁ ପୁଲିସର ପଦକ୍ଷେପ
|
June 2, 2021 |
![](https://sandhannews.com/wp-content/uploads/2021/06/pokhariru-shishuputra-udhar-640x480-1.jpg)