ନୂଆ ବର୍ଷରେ ଅଘଟଣ: ଟ୍ରକକୁ ପିଟିଲା କାର, ୩ ଗୁରୁତର, ୨ ଆହତ

ବାରିପଦା, ୦୨/୦୧/୨୦୨୧(ସନ୍ଧାନ ନିଉଜ/ଲିଙ୍ଗରାଜ ପଣ୍ଡା): ନୂଆ ବର୍ଷରେ ଅଘଟଣ ଯାଜପୁର ଜିଲ୍ଲା ଚଣ୍ଡିଖୋଲ ଛକ ନିକଟରେ ଟ୍ରକ ପଛପଟୁ ଧକ୍କା ଦେଲା କାର ଏହି ଦୁର୍ଘଟଣାରେ ୩ ଜଣ ଯାତ୍ରୀ ଗୁରୁତର ଏବଂ ୨ ଜଣ ଯାତ୍ରୀ ଆହତ ହୋଇଛନ୍ତି । ମିଳିଥିବା ସୂଚନା ମୁତାବକ, ମନୋରଞ୍ଜନ ବାରିକ ନାମକ ଜଣେ ବ୍ୟକ୍ତି ପରିବାର ସହ ଯାଜପୁରରୁ ଭୁବନେଶ୍ବର ଫେରିବା ବେଳେ ଚଣ୍ଡିଖୋଲ ଛକ ନିକଟରେ ଥିବା ମିନି ଟ୍ରକପଛକୁ କାର ଧକ୍କା ଦେଇଥିଲା । ଘଟଣାସ୍ଥଳରେ ୩ ଯାତ୍ରୀ ଗୁରୁତର ହୋଇ ପଡିଥିବା ବେଳେ ୨ ଜଣ ଆହତ ହୋଇଛନ୍ତି । ଗୁରୁତରଙ୍କ ମଧ୍ୟରେ ଜଣେ ୭ ବର୍ଷର ଶିଶୁପୁତ୍ର ଥିବା ଜଣାପଡିଛି। ଘଟଣାସ୍ଥଳରେ ଚଣ୍ଡିଖୋଲ ଅଗ୍ନିଶମ ଅଧିକାରୀ ପହଞ୍ଚି ସେମାନଙ୍କୁ ବଡ଼ଚଣା ମେଡିକାଲରେ ଭର୍ତ୍ତି କରିଥିଲେ । ସ୍ଵାସ୍ୟାବସ୍ଥା ସଙ୍କଟାପନ୍ନ ହେବାରୁ ସେମାନଙ୍କୁ ମେଡିକାଲକୁ ସ୍ଥାନାନ୍ତର କରାଯାଇଛି ।