ନିର୍ଦ୍ୱନ୍ଦରେ ନିର୍ବାଚିତ ହେଲେ ୪ ରାଜ୍ୟସଭା ପ୍ରାର୍ଥୀ

ଭୁବନେଶ୍ୱର, ୧୮/୩/୨୦ (ସନ୍ଧାନ ନିଉଜ)  : ବିଜୁ ଜନତା ଦଳର ୪ଜଣ ରାଜ୍ୟସଭା ପ୍ରାର୍ଥୀ ମୁନ୍ନା ଖାଁ, ସୁଜିତ କୁମାର, ମମତା ମହନ୍ତ ଓ ସୁବାସ ସିଂ ନିର୍ଦ୍ୱନ୍ଦରେ ନିର୍ବାଚିତ ହୋଇଛନ୍ତି। ଓଡିଶା ବିଧାନସଭା ସଚିବ ତଥା ରିଟର୍ଣ୍ଣିଙ୍ଗ ଅଫିସର ଦାଶରଥି ଶତପଥୀ ଆଜି ନାମାଙ୍କନ ପ୍ରତ୍ୟାହାରର ଶେଷ ତାରିଖରେ ଏହି ଘୋଷଣା କରିଥିବା ବେଳେ ନବ ନିର୍ବାଚିତ ୪ ଜଣଙ୍କୁ ସାର୍ଟିଫିକେଟ ପ୍ରଦାନ କରିଛନ୍ତି। ସେହିପରି ୧୦ ଜଣ ପ୍ରସ୍ତାବକ ନଥିବାରୁ ସ୍ୱାଧୀନ ପ୍ରାର୍ଥୀ ଭାବେ ନାମାଙ୍କନ ଭରିଥିବା ଗଣେଶ ମିଶ୍ର, ମମତା ସାମନ୍ତରାୟ, ଏଲ୍ ପି ସିଂ ଓ ବି ହେମ୍ବ୍ରମଙ୍କ ପ୍ରାର୍ଥୀପତ୍ର ନାକଚ ହୋଇଯାଇଛି।