ନଦୀରୁ ନାବାଳିକାର ଶବ ଉଦ୍ଧାର : ହତ୍ୟା ସନ୍ଧେହ

ବାଡ଼ଚଣା /୨୪/୦୯/ ସନ୍ଧାନ ନିୟୁଜ୍ )ଯାଜପୁର ଜିଲ୍ଲା ବଡ଼ଚଣା ଥାନା ଅନ୍ତର୍ଗତ ଶାସନପୁରୁଷୋତ୍ତମପୁର ( ନଡ଼ିଆଯୋରୀ ) କେନାଲରେ ଆଜି ସକାଳେ ଏକ ଗଳିତ ମୃତ ଦେହ ଉଦ୍ଧାର କରାଯାଇଛି I ସୂଚନାରୁ ପ୍ରକାଶ ଯେ ଆଜି ସକାଳେ ନଡ଼ିଆଯୋରୀ କେନାଲରେ ଏକ ମୃତ ଦେହ ଭାସୁଥିବା ଦେଖି ସ୍ଥାନୀୟ ଲୋକ ପୋଲିସକୁ ଖବର ଦେଇଥିଲେ I ଖବର ପାଇ ଥାନାଧିକାରୀ ପ୍ରିୟବ୍ରତ ରାଉତଙ୍କ ନିର୍ଦେଶ କ୍ରମେ ଧାନମଣ୍ଡଳ ଫାଣ୍ଡି ଅଧିକାରୀ ସଲିଳ କୁମାର ମଲିକ  ଘଟଣାସ୍ଥଳରେ ପହଂଚି ଶବକୁ ଜବତ କରିବା ସହିତ ବ୍ୟବଚ୍ଛେଦ ନିମନ୍ତେ ବଡ଼ଚଣା ଡାକ୍ତରଖାନାକୁ ପଠାଇ ତଦନ୍ତ ଚଳାଇଛନ୍ତି I ମୃତ ଦେହଟି ସ୍ଥାନୀୟ ଧାନମଣ୍ଡଳ ଗ୍ରାମର ରାମଚନ୍ଦ୍ର ପଣ୍ଡାଙ୍କ ମଧ୍ୟମା କନ୍ୟା ରୀନାରାଣୀ ପଣ୍ଡା ବୋଲି ତାଙ୍କ ପରିବାର ଲୋକ ଚି଼ହ୍ନଟ କରିଛନ୍ତି I ରୀନାରାଣୀ ନିଖୋଜ ହେବା ନେଇ ପରିବାର ଲୋକ ଦୁଇ ଦିନ ତଳେ ଧାନମଣ୍ଡଳ ଫାଣ୍ଡିରେ ଲିଖିତ ଅଭିଯୋଗ ମଧ୍ୟ କରିଥିବା ଫାଣ୍ଡି ଅଧିକାରୀ ସୂଚନା ପ୍ରଦାନ କରିଛନ୍ତି ।