ନୂଆଦିଲ୍ଲୀ ୧୯/୭ (ସନ୍ଧାନ ନିଉଜ) : ଇଂଲଣ୍ଡ ବିପକ୍ଷରେ ବିଶ୍ୱକପ୍ ମ୍ୟାଚ୍ରେ ଖରାପ ପ୍ରଦର୍ଶନ କରିବା ପରେ ଓ୍ଵିକେଟ୍କିପର ବ୍ୟାଟସ୍ମ୍ୟାନ୍ ମହେନ୍ଦ୍ର ସିଂହ ଧୋନିଙ୍କ ଭବିଷ୍ୟତ ନେଇ ଆଲୋଚନା ଓ ସମାଲୋଚନା ହେଉଛି। ଟିମ୍ ପରିଚାଳନା ସ୍ପଷ୍ଟ ଭାବରେ କହିଛି, ମ୍ୟାନେଜମେଣ୍ଟ ଧୋନି ସନ୍ୟାସ ନେବା ଉପରେ ଆଲୋଚନା କରି ନାହିଁ କିନ୍ତୁ ୱେଷ୍ଟଇଣ୍ଡିଜ ଗସ୍ତରେ ଟିମ ସହିତ ପୂର୍ବତନ ଅଧିନାୟକ ଯିବା କଠିଣ ଲାଗୁଛି। ଏମିତି ବି ଚୟନକର୍ତ୍ତାଙ୍କ ନିକଟରେ ଭବିଷ୍ୟତ ପାଇଁ ତାଙ୍କ ବିକଳ୍ପ ଖୋଜିବା ଭଲ ସୁଯୋଗ ଏବଂ ଯୁବ କ୍ରିକେଟର ଋଷଭ ପନ୍ତଙ୍କୁ ସୁଯୋଗ ଦିଆଯାଇପାରେ।
ଅନେକ ବିଶେଷଜ୍ଞ ଅନୌପଚାରିକ ଭାବେ ବୟାନ ଦେଇ କହିଛନ୍ତି, ଧୋନି ବିଶ୍ୱକପ ପରେ ଖେଳିବା ନିଶ୍ଚିତ ହେଉ ନଥିବା ବେଳେ ଅନ୍ୟ କିଛି ବିଶେଷଜ୍ଞଙ୍କ ଅନୁସାରେ ସେ ଟିମ୍ରେ ରହି ଯୁବ ଖେଳାଳିଙ୍କ ପାଇଁ ଏକ ମେଣ୍ଟର ଭୂମିକା ନେଇପାରିବେ।
ଚୟନକାରୀଙ୍କୁ ଭବିଷ୍ୟତ ପାଇଁ ଚିନ୍ତା କରିବା ଦରକାର। ବିଶ୍ୱକପ ୨୦୨୩ରେ ଭଲ ପ୍ରଦର୍ଶନ କରିବା ପାଇଁ ଯୁବ ଖେଳାଳିଙ୍କୁ ସୁଯୋଗ ଦେବା ଦରକାର। ଭାରତ ପାଖରେ ଈଶାନ କିଷାନ ଏବଂ ସଂଜୁ ସାମସନ ଭଳି ଖେଳାଳି ଅଛନ୍ତି, ଯେଉଁମାନେ ଘରୋଇ କ୍ରିକେଟ୍ରେ ଭଲ ପ୍ରଦର୍ଶନ କରିଛନ୍ତି। ମାତ୍ର ପନ୍ତ ଅଧିକାରୀ ଅଟନ୍ତି ଏବଂ ତାଙ୍କର ପ୍ରଦର୍ଶନ ଟିମ୍ ଇଣ୍ଡିଆର ଅଧିନାୟକଙ୍କୁ ପ୍ରଭାବିତ କରିଛି।
