ଧାମରାରେ ଚୋରା ଚାଲାଣ : କଣ୍ଟେନର ସହ ୮ହଜାର ଲିଟର ଡିଜେଲ ଜବତ

ଭଦ୍ରକ,୬/୯ (ସନ୍ଧାନ ନିୟୁଜ) : ଧାମରା ମତ୍ସ୍ୟ ପୋତାଶ୍ରୟ ନିକଟରେ ବୁଧବାର ବିଳମ୍ବିତ ରାତି ପ୍ରାୟ ଗୋଟାଏ ବେଳେ କଷାଫଳ ମୁହାଣରୁ ଏକ କଣ୍ଟେନର ଜବତ ହୋଇଛି। ସେଥିରେ ୮ହଜାର ଲିଟର ଡିଜେଲ ଥିବା ଜଣାପଡିଛି । ଏକ ମାଛଧରା ଟ୍ରଲରକୁ ଏହି ଡିଜେଲ ଦିଆଯାଉଥିବା ବେଳେ ସ୍ଥାନୀୟ ଯୁବକଙ୍କ ଦ୍ବାରା ଧରା ପଡିଥିଲା। ତେବେ କିଣାଯାଥିବା ଡିଜେଲର କିଛି ଖରିଦ ବିଲ ନ ଥିବାରୁ ସ୍ଥାନୀୟ ଯୁବକ ମାନେ ଧାମରାରେ ଥିବା ମେରାଇନ ଥାନାରେ ତେଲ ସହ କଣ୍ଟେନର ଜିମା ଦେଇଛନ୍ତି। ଅନ୍ୟପକ୍ଷରେ ଥାନାଧିକାରୀ ଅଧିକ ତଦନ୍ତ ଜାରୀ ରଖିବା ସହ ଗାଡିର ଚାଳକ ଏବଂ ସହକାରୀକୁ ଅଟକ ରଖିଛନ୍ତି।