ଧର୍ମଶାଳା: ୩ମଦ ବେପାରୀ କୋର୍ଟ ଚାଲାଣ

ଯାଜପୁର, ୨୭/୭(ସନ୍ଧାନ ନିୟୁଜ୍) ଧର୍ମଶାଳା ଥାନା ଅନ୍ତର୍ଗତ ବିଭିନ୍ନ ଗ୍ରାମମାନଙ୍କରେ ବେଆଇନ୍ ମଦ ବିକ୍ରି ବଢିବାରେ ଲାଗିଛି । ଯାହାକୁ ରୋକିବା ନିମନ୍ତେ ଅବକାରୀ ବିଭାଗ କୌଣସି ପଦକ୍ଷେପ ନେଉନଥିବା ଅଭିଯୋଗ ହେଉଛି । ଆଜି ମଧ୍ୟାହ୍ନ ସମୟରେ ଏହି ଥାନା ଅନ୍ତର୍ଗତ ହରିଦାସପୁର ପଂଚାୟତ ବାଲିଗରି ଗ୍ରାମର ସତ୍ୟ ନାରାୟଣ ସାହୁ ଓରଫ ବୁଲୁ (୩୦) ବେଆଇନ୍ ମଦ ବିକି୍ର କରୁଥିବା ବେଳେ ଧର୍ମଶାଳା ପୋଲିସ ପକ୍ଷରୁ ଚଢାଉ କରାଯାଇ ତାଙ୍କ ନିକଟରୁ ୫ଲିଟର ମଦ ଜବତ କରାଯିବା ସହ ତାଙ୍କୁ ଗିରଫ କରାଯାଇ କୋର୍ଟ ଚାଲାଣ କରାଯାଇଛି । ସେହିପରି ନେଉଳପୁର ଗ୍ରାମର ଧର୍ମରାଜ କୁମାରଙ୍କ ପୁଅ ସୋନୁ କୁମାର(୨୫)ଙ୍କ ନିକଟରୁ ବେଆଇନ୍ ୪ଲିଟର ମଦ ଜବତ କରାଯାଇଛି । ଉତରପ୍ରତାପ ଗ୍ରାମର ଶରତ ଚନ୍ଦ୍ର ସାହୁ(୬୦)ଙ୍କ ନକଟରୁ ୩ଲିଟର ମଦ ବିକି୍ର କରୁଥିବା ବେଳେ ପୋଲିସ ଚଢାଉ କରି ତାଙ୍କୁ ଗିରଫ କରିଥିଲେ । ପରେ ସମସ୍ତଙ୍କୁ କୋର୍ଟ ଚାଲାଣ କରାଯାଇଥିବା ଥାନା ଅଧିକାରୀ ଉମାକାନ୍ତ ନାୟକ ସୂଚନା ଦେଇଛନ୍ତି । କିନ୍ତୁ ଅଦ୍ୟବିଧି ଦେଓଦା, ମାଝିପାଟଣା, କଂଟିଗଡିଆ, ସୁନ୍ଦରିଆ ଆଦି ଅଂଚଳରେ ବିପୁଳ ପରିମାଣରେମଦ ବିକ୍ର କରାଯାଇଥିବା ବେଳେ ତାଙ୍କ ଉପରେ କୌଣସି ପଦକ୍ଷେପ ନିଆଯାଉନଥିବାରୁ ଅସନ୍ତୋଷ ବଢ଼ିବାରେ ଲାଗିଛି ।