ଦୟାନିଧି ପ୍ରତିଭା ବିକାଶ ପ୍ରତିଷ୍ଠାନ ପକ୍ଷରୁ ଗାଣିତିଜ୍ଞ ନାରାୟଣ ପତିଙ୍କ ଶ୍ରାଦ୍ଧୋତ୍ସବ ପାଳିତ

କଟକ, ୨୨/୧୨/୨୦୨୧ (ସନ୍ଧାନ ନିଉଜ) – କଟକ ସଦର ୪୨ ମୌଜା ସ୍ଥିତ ସାମାଜିକ ଅନୁଷ୍ଠାନ ଦୟାନିଧି ପ୍ରତିଭା ବିକାଶ ପ୍ରତିଷ୍ଠାନ ପକ୍ଷରୁ ଆନନ୍ଦ ନୃସିଂହ ସ୍ମୃତି ପୂଜ୍ୟ ପୂଜା ଭବନ ପଟଣା ଠାରେ ସମାଜସେବୀ ଅସୀମ ଦାସଙ୍କ ସଭାପତିତ୍ବରେ ଟାଇଁକଣା ଗ୍ରାମର ବରେଣ୍ୟ ଜନ ନାୟକ ତଥା ବିଶିଷ୍ଟ ଗାଣିତିିଜ୍ଞ ସ୍ବର୍ଗତ ନାରାୟଣ ପତିଙ୍କ ୩୮ତମ ଶ୍ରାଦ୍ଧ ବାର୍ଷିକୀ ପାଳିତ ହୋଇଯାଇଛି । ମୁଖ୍ୟ ବକ୍ତା ପ୍ରସନ୍ନ କୁମାର ବେହେରା,ସମ୍ମାନୀୟ ଅତିଥି ବୁଲେଇ ବେହେରା ଓ ସଭାରେ ଉପସ୍ଥିତ ସଜ୍ଜନ ମଣ୍ଡଳୀ ସ୍ବର୍ଗତ ପତିଙ୍କ  ତୈଳଚିତ୍ରରେ ପୁଷ୍ପାଞ୍ଜଳୀ ଅର୍ପଣ ସହ ଦୁଇ ମିନିଟ୍ ନିରବ ପ୍ରାର୍ଥନା କରିଥିଲେ । ଏହି ସଭାରେ ଉପଦେଷ୍ଟା ସରୋଜ ନଳିନୀ ପରିଜା,ସାଂସ୍କୃତିକ ସମ୍ପାଦକ ରୁଦ୍ର ନାରାୟଣ ଦାସ,ବରିଷ୍ଠ ସଦସ୍ୟ ଉପେନ୍ଦ୍ର ବାରିକ,ବିନୋଦ ବେହେରା, ପ୍ରକାଶ କୁମାର ମହାନ୍ତି,ସାଗର ବେହେରା,ଶୁଭେନ୍ଦୁ ବରଣ ଦାସ ମହାପାତ୍ର,ଶ୍ରାବନ୍ତିକା ମହାନ୍ତି,ଶ୍ରିଅଂଶ ମହାନ୍ତି,ଅଚ୍ୟୁତ ଦାସ,କାର୍ତ୍ତିକ ଦାସ, ନଟବର ବେହେରା ପ୍ରମୁଖ ଉପସ୍ଥିତ ଥିଲେ। ଶେଷରେ ସାଧାରଣ ସମ୍ପାଦକ ନାରାୟଣ ଚନ୍ଦ୍ର ମହାନ୍ତି ଧନ୍ୟବାଦ ଅର୍ପଣ କରିଥିଲେ ।