ଦେଶରେ କରୋନା ନେଲାଣି ୭୨୩ ମୁଣ୍ଡ

ନୂଆଦିଲ୍ଲୀ, ୨୪/୦୪/୨୦ (ସନ୍ଧାନ ନିଉଜ) : ଭାରତରେ ଦିନକୁ ଦିନ ବୃଦ୍ଧି ପାଉଛି କରୋନା ରୋଗୀଙ୍କ ସଂଖ୍ୟା । ପ୍ରତିଦିନ କିଛି ନା କିଛି ନୂଆ ମାମଲା ସାମ୍ନାକୁ ଆସୁଛି । ସମଗ୍ର ବିଶ୍ୱ ରେ ଏବେ କରୋନା କାୟା ବିସ୍ତାର କରିଛି । ଏହି ପରିପ୍ରେକ୍ଷୀରେ ଏବେ ଦେଶରେ କୋରୋନା ମୃତ୍ୟୁସଂଖ୍ୟା ୭୨୩ ରେ ପହଂଚିଛି । ଅନ୍ୟପଟେ ଆକ୍ରାନ୍ତଙ୍କ ସଂଖ୍ୟା ୨୩ ହଜାର ୪୫୨କୁ ବୃଦ୍ଧି ପାଇଛି ।ଏମାନଙ୍କ ମଧ୍ୟରୁ ୪ ହଜାର ୮୧୩ ସୁସ୍ଥ ହୋଇ ଘରକୁ ଫେରିଥିବା ବେଳେ ୧୭,୯୧୫ ଜଣ ଆକ୍ରାନ୍ତ ଚିକିତ୍ସାଧୀନରହିଥିବା କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟ ପକ୍ଷରୁ ସୂଚନା ପ୍ରଦାନ କରିଛନ୍ତି ଯୁଗ୍ମ ସଚିବ ଲବ୍ ଅଗ୍ରଓାଲ । ତେବେ ମହାରାଷ୍ଟ୍ରରେ ସର୍ବାଧିକ ୬ ହଜାର ୪୩୦ ଆକ୍ରାନ୍ତ ହୋଇଥିବା ବେଳେ ୨୮୩ ଜଣ ମୃତ୍ୟୁବରଣ କରିଛନ୍ତି ।