ଦୁର୍ଘଟଣାରେ ହାସ୍ୟ ଅଭିନେତା ସଲିଲ ମିତ୍ର ଗୁରୁତର

ଘଟଗାଁ, ୧୨/୫ (ସନ୍ଧାନ ନିୟୁଜ) କେନ୍ଦୁଝର ଜିଲ୍ଲା ଘଟଗାଁ କଲେଜ ଛକ ନିକଟରେ କାର ଦୁର୍ଘଟଣାରେ ଓଡିଆ ସିନେ ଜଗତର ହାସ୍ୟ ଅଭିନେତା ସଲିଲ ମିତ୍ର ଗୁରୁତର। ମିଳିଥିବା ସୂଚନା ଅନୁଯାୟୀ ସଲିଲ ମିତ୍ର ଏକ ଇଣ୍ଡିଗୋ କାରରେ କରଞିଆ ଅଭିମୁଖେ ଯାଉଥିବା ବେଳେ ଘଟଗାଁ କଲେଜ ଛକ ନିକଟରେ ଗାଡି ସାମ୍ନାକୁ ଏକ ଗାଈ ଚାଲିଆସିବାରୁ ଭାରସାମ୍ୟ ହରାଇ କାରଟି ଓଲଟି ପଡିଥିଲା। ଖବର ପାଇ ଘଟଣା ସ୍ଥଳରେ ଆମ୍ବୁଲାନ୍ସ ପହଁଚି ଗୁରୁତର ଅବସ୍ଥାରେ ସଲିଲ ଓ କାର ଡ୍ରାଇଭରଙ୍କୁ ଘଟଗାଁ ଡାକ୍ତରଖାନାରେ ଭର୍ତି କରାଇଥିଲେ। ଏହି ଦୁର୍ଘଟଣାରେ ଗାଡି ଡ୍ରାଇଭର ସାମାନ୍ୟ ଆହତ ହୋଇଥିବା ବେଳେ ସଲିଲଙ୍କ ଡାହଣ ହାତ ଓ ଗୋଡ ଭାଙ୍ଗିଯାଇଛି। ଏଥିସହିତ ସଲିଲଙ୍କ ମୁଣ୍ଡରେ ଏକାଧିକ ସ୍ଥାନରେ କ୍ଷତ ହୋଇଛି। ତେବେ ପ୍ରାଥମିକ ଚିକିତ୍ସା ପରେ ତାଙ୍କୁ କଟକ ସ୍ଥାନାନ୍ତର କରାଯିବ ବୋଲି ସୂଚନା ମିଳିଛି।